Lukasi 18:13 - Sura Malelaha

¹³ Agaiana toperuru asele iti, meangka kakarao, hai bara bai mengoa i langi. Anti kanaisana kamadosana, mohapa-hapami pondana, nauli, ‘O Pue Ala! Nupokaahi wongkoia, lawi ide iko tauna au madosana!’ ”

Lukasi 18:13 Mawu Ofanana

Matiu 6:5

“Ane mekakaekau, ineekau nodo tauna au maroa peahe i humenda. Raunde meangka mekakae i lalu sou penombaa ba i porompengaa rara bona raita hai ratoiahe tauna. Mewali, anti karahumbanami petoianda ranganda, barapohe molambi pewati hangko i Pue Ala.

Matiu 9:13

BaraNa mai mokakio tauna au manoto babehianda. Kamaingku ide, mokakioNa tomadosa bona menosohe hangko i dosanda. Mewali, nipekiri hampai apa lempona Ngkorana Pue Ala au teuki node: ‘Bara Kuperapi binata au nipopenomba Iriko. Au Kuperapi bona maahikau i hangka rangami.’ ”

Markus 11:25

Ane mekakaekau hai ara mani rangami au mopakoi inaomi, niampungi hampai bona Umami au ara i suruga moampungi wori salami.

Lukasi 17:12

KahaweNa i hambua boea, hampulo tauna au ketangga mai mampohidupaa. Kakarao mani, mekakiomohe,

Lukasi 22:41

Roo indo, laomi karao haodi hangko irihira, hai molingkudu mekakae,

Lukasi 23:48

Pesulenda tauna bosa au lao mosabiki apa au mewali iti, mohapa-hapamohe pondanda lawi rumihi mpuu penosonda.

Lukasi 5:8

Tingkarami Simo Peturu hai ope-ope tauna au hihimbela hai ia moita kangkaiana ikane au ara i lalu dalanda. Ido hai molingkudumi Peturu i lindona Yesu, nauli, “Pue, ineena Nuhungkuki lawi ide iko tomadosana.”

Suro 2:37

Karahadina tauna bosa lolitana Peturu iti, tebalikimi lalunda, hai mekunehe i Peturu hai i surona Pue Yesu au ntanina, rauli, “Halalu-halalu, ane nodo, apami au hangangaa kibabehi?”

Roma 5:8

Agaiana ahina Pue Ala bara nodo. Pue Ala bara mampegia pengkaroonta mobabehi dosa hangko Natudungiarike ahiNa. Lawi Kerisitu mate mopahuruke tangantato madosa.

2 Korintu 7:11

Kamasusami mobasa surangku hangkoia, iami kasusa au moula peundeana Pue Ala. Nipekiri maroa ba apa wuana kamasusami iti. Anti kamasusami iti, mampeinaokau mobabehi apa au manoto. Bara niunde babehianda tauna au mosapuaka paturongki. Nikahihi babehia au masala, hai langakau moula babehia iti. Mabilakau iriko, mampeulaikau hawangku, hai maumokau mohuku tauna au masala. I hinangkana, tongawami kabulana lalumi.

1 Timotiu 1:15

Manoto mpuu lolita au manguli: “Kerisitu Yesu mai i dunia bona mohorema tomadosa hangko i huku dosanda.” Tou mpuu lolita iti hai hintoto tapoinalai. Hai hangko i ope-ope tomadosa, ikomi au melumbu dosangku.

Ibarani 4:16

Ido hai halalu, ineemoke langa. Peisamoke mohungkuki Pue Ala i kadera kadatuaNa au i suruga bona modokoke kamaahiNa, hai Natulungike hangko i kabulana laluNa i tempona au taparaluu.

Ibarani 8:12

I tempo iti, ina Kuampungi salanda, hai dosanda barapi ina Kukakatuinao.”