Lukasi 18:11 - Sura Malelaha

¹¹ Toparisi iti meangka hai mekakae, nauli, ‘Pue Ala, kuuli ngkaia kamaroana Irio, lawi barana nodo tauna ntanina au manangka, au motengko lalunda, hai au mebualosi. Kuuli ngkaia kamaroana Irio lawi barana nodo olou toperuru asele.

Lukasi 18:11 Mawu Ofanana

Matiu 5:20

Mewali, Kuuliangaakau, ane niunde bona mewalikau taunana Pue Ala, hangangaa nipeulai peundeaNa, hai peulami hangangaa meliu hangko i peulanda guru agama hai toParisi.”

Matiu 6:5

“Ane mekakaekau, ineekau nodo tauna au maroa peahe i humenda. Raunde meangka mekakae i lalu sou penombaa ba i porompengaa rara bona raita hai ratoiahe tauna. Mewali, anti karahumbanami petoianda ranganda, barapohe molambi pewati hangko i Pue Ala.

Markus 11:25

Ane mekakaekau hai ara mani rangami au mopakoi inaomi, niampungi hampai bona Umami au ara i suruga moampungi wori salami.

Lukasi 20:47

Mopakanawohe towawine au bemba bona rarampaki sounda. Hai mekakaehe mahae-hae motabungihi babehianda au kadake. Ina mantimi mpuu karahukunda!”

Lukasi 22:41

Roo indo, laomi karao haodi hangko irihira, hai molingkudu mekakae,

Galatia 3:10

I lalu Sura Malelaha hangkoia teuki node: “Hema-hema au bara mampeulai hinangka parenta au teuki i lalu Aturana Musa, batenda napaharara Pue Ala.” Mewali, halalu, taisa: ane ara tauna au napeinao mopamanoto watana i peitana Pue Ala anti pampeulaina Aturana Musa, batena ina harara i lindona Pue Ala. Lawi hema pae au peisa mampeulai ope-ope hai au bara ara kamasalana?

Pilipi 3:6

I tempo iti mampeulai mpuuna agama Yahudi, duuna kupari-pari mampopeahi-ahi tauna au mepoinalai i Yesu. Kupeulai hinangka parenta au teuki i lalu Aturana Musa, bara ara tauna au peisa molambi kamasalangku.

Pampetudungia 3:17

Niuli pebukukau, handa katuwomi, hai barapi ara kamakurami. Agaiana, bara niisa kanoumbami! Rumihi ntepuu kameahi-ahimi! I lalu pepoinalaimi, meahi-ahikau, bilokau, hai barakau mehampi