Lukasi 17:18 - Sura Malelaha

¹⁸ Moapari pane hadua pea au mesule manguli ngkaia kamaroana i Pue Ala? Hai ia bara to Yahudi!”

Lukasi 17:18 Mawu Ofanana

Matiu 19:30

Agaiana bosa tauna au tepaioruami tuwonda ide-ide ina mewali tepaibokoa i alo au ina mai. Hai bosa wori tauna au tepaibokoa tuwonda ide-ide ina mewali tepaiorua i alo au ina mai.”

Matiu 20:16

Napahopo Yesu ngkora pandiri iti, Nauli, “Nodo wori i alo pebotusi: bosa tauna au tepaibokoa tuwonda i tempo ide ina mewali tepaiorua i alo au ina mai. Hai bosa wori tauna au mahile tuwonda i tempo ide ina mewali tepaibokoa i alo au ina mai.”

Matiu 8:10

Tingkarami Yesu mohadi lolitana tadulako surodado iti. Ido hai Napembalilingihe au meula Iria, Nauli, “Mahile mpuu pepoinalaina tauna ide! Kehapiri i to Isaraeli, bara mani ara hadua Kuhumba au mahile pepoinalaina nodo tauna ide au bara to Yahudi.

Matiu 8:12

Katouana, ketoYahudirihe au hintoto mewali taunana Pue Ala i lalu poparentaNa. Agaiana bosahe ina ratende i lalu kakaindiana au karao hangko i Pue Ala. Inditi, ina moteria hai mantodiha liliuhe.”

Matiu 9:8

Karaitana tauna bosa apa au mewali iti, langamohe, hai motoiahe Pue Ala, rauli, “Mahile mpuu kuasana Pue Ala au Nawei manusia!”

Lukasi 17:17

Roo indo, nauli Yesu i ope-ope tauna au meula Iria, “Bara pae hampulohe au Kupakaoha? Iumbamohe au hahio?

Pampetudungia 14:7

Malaeka iti mololita masisimbuku, nauli, “Mengkorumokau i Pue Ala hai nitoiami peawana tuwoNa. Lawi hawemi tempo pehukuaNa. Menombamokau i Pue Ala au mampopewali langi, tampo, tahi hai ope-ope ulu owai.”