Lukasi 16:2 - Sura Malelaha

² Ido hai topebuku iti mokakio topobagona, nauliangaa, ‘Ara lolita au rapahaweana kana i pobagomu. Ba tou ba bara? Mewali, hangangaa nupasilolonga ope-ope suramu bona kuparesa. Roo naparesa, nauli topebuku iti, Oio barapoko ina mokadipura doingku hai anu-anungku.’

Lukasi 16:2 Mawu Ofanana

Matiu 12:36

Mewali bona niisa: i alo pebotusi i kahopoa dunia, ope-ope tauna hangangaa mopangaku ope-ope lolitanda. Kehapiri lolita au bara mobundu, hangangaa rapangaku.

Matiu 20:8

Tampumi alo, naulimi ampu bonde i mandorona: ‘Kakiomohe topobago iti, hai nuweimohe saronda. Nuweihe hampai saronda tauna au mepongkahe mobago tinti lima kalumba. Roo indo, nuwei worihe saronda i tauna au mepongkahe mobago tinti talu. Nubabehi nodo duuna hawe i tauna au mobagohe mepongka madondo.’

Lukasi 12:20

Agaiana Pue Ala mongkora iria Nauli, ‘Ee tontuli! Kaindi ide, inaomu ina raala. Mewali, ope-ope au nurampu iti, hemami ampuna?’ ”

Lukasi 12:42

Nahanai Pue Yesu, “Nipailalu ngkora pandiri ide: Ara hadua hawi au manoto laluna hai au peisa napoinalai ampuna. Ia naangka ampuna motosaengi hawi ntanina hai mourusi paandenda alo-alona.

Lukasi 16:1

Roo indo, Yesu mopahawe ngkora pandiri ide i topeguruNa, Nauli, “Ara hadua topebuku au ngkaia doina. Ia moangka hadua tauna mokadipura doina hai anu-anuna. Agaiana arahe tauna au morai topobagona iti, rauliangaa ampuna, ‘Topobagomu iti motende ntoo pea doimu!’

Lukasi 16:3

Nauli laluna topobago iti, ‘Oo, apami au hangangaa kubabehi? Nakabahamona ampuku hangko i bagongku. Ane motongkona bara kubuku, hai maeana merapi-rapi.’

Roma 14:12

Mewali, ikita ope-ope hangangaa mohanai Pue Ala kana i babehianta.

1 Korintu 1:11

Halalungku, tunggaiaku manguli nodo, lawi arahe halalunta hasou-souna Kloe au mopahawe iriko kaarana posisisalami.

1 Korintu 4:2

Au rahaoki hangko i tauna au raparenta ba hawi nodo ikami, hangangaa moula liliuhe hawana ampunda.

1 Korintu 4:5

Ido hai kuuli, ineekau mosalai pobagonda hangka rangami. Nipegiami kahawena hule Pue. Iami au ina mobungkahi ope-ope au tewuniangi mani i lalu kamakaindi. Ia au ina mopatongawa ope-ope tunggaianda tauna au tewuniangi mani. I tempo itimi, hadua-hadua tauna ina molambi petoia hangko i Pue Ala moula kahintotoana.

2 Korintu 5:10

Lawi hambela tempo, ikita ope-ope hangangaa molindo Kerisitu bona Naparesa babehianta, hai ikita ope-ope ina molambi hurungina hintoto hai apa au tababehi tanganta mani tuwo i dunia ide.

1 Timotiu 4:14

Ineeko mokabaha bagomu au hangangaa nupopolumao moula kapande au naweiko Inao Malelaha. Kapande iti raweiko i temponda penatua moona taienda hangkoia i tanoanamu mopahawe lolita hangko i Pue Ala kana irio.

1 Timotiu 5:24

Arahe tauna, au kehapiri bara mani rapohuda-hudaa kara-karanda, tongawami kamadosanda. Ara worihe tauna au bara mani taisa dosanda. Ane roorai rapohuda-hudaa kara-karanda, hangko taisari.

1 Peturu 4:10

Ikita ope-ope molambimoke kapande au montani-ntani moula apa au naweike Pue Ala. Mewali hangangaa tapake kapande iti bona motulungike ranganta hai tapopolumao maroa bago au naweimoke Pue Ala hangko i kabulana laluNa.

1 Peturu 4:5

Agaiana hambela tempo tauna iti hangangaa mohanai Pue Ala kana i babehianda au kadake. Lawi Pue Ala ina mobotusi kara-karanda ope-ope tauna, maroa au tuwo mani ba au matemohe.

Pampetudungia 20:12

Hai kuitahe tomate au rapatuwo hulemohe, maroa au koi ba au mahile tuwonda, meangkahe i lindo kadera kadatua iti. Tauna au mate maliso i tahi hai ope-ope tauna au ara i paidaa tomate, meangkamohe ope-ope i lindo kadera kadatua iti. Hai rabungkahimi sura, inditi teuki ope-ope babehianda. Mewali, ope-ope tomate au rapatuwo hulemohe ina rahukuhe hintoto hai apa au teuki i lalu sura iti, karahukunda moula babehianda. Hai rabungkahi worimi sura au hambuana, hangana Sura Ngkatuwo.