Lukasi 16:15 - Sura Malelaha

¹⁵ Agaiana nauliangaahe Yesu, “Mampemanotokau i peitana tauna, agaiana Pue Ala moisa ihi lalumi. Lawi apa au nahaoki manusia, itimi au nakahihi Pue Ala.

Lukasi 16:15 Mawu Ofanana

Matiu 23:5

Mampempemaroahe bona ratoiahe ranganda. Ane moula adanta, ikita hangangaa mopatakake kapipi pambolia bahangkia wati hangko Sura Malelaha. Agaiana ane toParisi, kapipi iti rapamahile-hile, nodo wori rombo-rombo i badunda rapamandoe-ndoe bona rauli rumihi pampeulainda ada agama.

Matiu 6:16

“Ane mopuasakau, inee marinti lindomi nodohe tauna au maroa i raoa peahe. Ane mopuasahe, marinti lindonda hai raoaka barahe mewawalindo ba mekarabi bona raita tauna kamopuasanda. Nikatuinao, anti karalambinami petoia hangko i ranganda, barapohe molambi apa-apa hangko i Pue Ala.

Matiu 6:2

Mewali, ane motulungikau tauna au meahi-ahi, inee nipopaisa i tauna bosa, nodo au rababehi tauna au maroa i raoa pea. Ihira mampetudungia kamaroana lalunda i lalu sou penombaa ba i rara au mahile bona ratoia hangka ranganda. Bara ara apa-apa au ina rahumba hangko i Pue Ala, lawi rahumbami petoia hangko i ranganda.

Matiu 6:5

“Ane mekakaekau, ineekau nodo tauna au maroa peahe i humenda. Raunde meangka mekakae i lalu sou penombaa ba i porompengaa rara bona raita hai ratoiahe tauna. Mewali, anti karahumbanami petoianda ranganda, barapohe molambi pewati hangko i Pue Ala.

Lukasi 10:29

Agaiana guru agama iti mampeinao mopakanoto babehiana. Ido hai nauli, “Hemahe rangangku au hangangaa kupokaahi?”

Lukasi 11:39

Ido hai nauliangaahe Yesu, “Ikamu toParisi nodokau hadua tauna au mobahoi paenua hai tabo i raoana pea. Agaiana i lalumi, kadake ntepuukau hai mampokaelukau anu-anuna rangami.

Lukasi 18:11

Toparisi iti meangka hai mekakae, nauli, ‘Pue Ala, kuuli ngkaia kamaroana Irio, lawi barana nodo tauna ntanina au manangka, au motengko lalunda, hai au mebualosi. Kuuli ngkaia kamaroana Irio lawi barana nodo olou toperuru asele.

Lukasi 18:14

Hangko indo, napahopo Yesu lolitaNa, Nauli, “Tou mpuu au Kuuliangaakau: i pesulenda i sounda, toperuru asele itimi nadoko Pue Ala hai Naimba manoto i peitaNa, agaiana toParisi iti, bara nadoko Pue Ala. Lawi hema au mampeindora, ina napaiwoi Pue Ala. Hai hema au mengkaiwoi, ina napaiwongko Pue Ala.”

Lukasi 18:21

Nauli tauna iti, “Ope-ope hawa iti, aminami kupeulai hangko koi-koi peamona.”

Lukasi 18:9

Napahawe mbuli Yesu ngkora pandiri ide i tauna au mampetomanoto hai au mopapakoihe ranganda.

Lukasi 20:20

Mewali, mohaokihe tempo au maroa, hai motudumohe bahangkia tauna lao i Yesu mohaoki kamasalana lolitaNa bona peisa raanti lao i gubernur Roma hai rasalai i lindona. Tauna au ratudu iti, mengkamaroa peahe lawi tunggaianda mopakanawo Yesu.

Lukasi 20:47

Mopakanawohe towawine au bemba bona rarampaki sounda. Hai mekakaehe mahae-hae motabungihi babehianda au kadake. Ina mantimi mpuu karahukunda!”

Yohane 2:25

Bara paraluu rauliangaa tauna kanoumbana manusia, lawi Ia moisa laluna manusia.

Yohane 21:17

Hangko inditi, mekune mbulimi Yesu kataluna belana, “Simo, anana Yona, ba nupokaahiNa?” Masusami laluna Peturu, lawi talumi belana Yesu mekune ba nupokaahiNa. Mewali, nauli Peturu, “Pue, Nuisa hinangkana. Nuisa kakupokaahiMu.” Nauli Yesu, “Ane nodo, nukadipurahe dimbaKu.

Suro 1:18

(Yudasi iti au moholo tampo au napotalumba hai doi hurungina babehiana au kadake. Inditimi, ia manawo hai mate, pane mabeto taina hai mabubu ope-ope ihi laluna.

Suro 1:24

Roo indo, mekakaemohe, rauli, “Pue, Nuisa ope-ope lalunda tauna. Yudasi, au mewali suroMu hangkoia, ide-ide manawomi, hai molambimi hurungina hintoto hai babehiana. Ido hai kiperapi, Nutudungia wongkamia kahemana hangko i tauna au rodua ide au Nupilei amimi mopahuru Yudasi.”

Suro 15:8

Hai Pue Ala, au moisa lalu tauna, modoko tauna au barahe to Yahudi, hai Ia mopakanoto tunggaiaNa iti i kaNaweinda Inao Malelaha nodo au mewali irikita hangkoia.

Roma 3:20

Bara ara hadua au manoto i peitana Pue Ala i pampeulaina Aturana Musa. Lawi hangko i atura itimi, taisa kamadosanta.

Roma 8:27

Hai Pue Ala au moparesa lalu tauna, moisa tunggaiana Inao Malelaha. Lawi Inao Malelaha iti mampekakaea taunana Pue Ala, moula peundeana Pue Ala.

1 Korintu 4:5

Ido hai kuuli, ineekau mosalai pobagonda hangka rangami. Nipegiami kahawena hule Pue. Iami au ina mobungkahi ope-ope au tewuniangi mani i lalu kamakaindi. Ia au ina mopatongawa ope-ope tunggaianda tauna au tewuniangi mani. I tempo itimi, hadua-hadua tauna ina molambi petoia hangko i Pue Ala moula kahintotoana.

1 Peturu 3:4

Pongkana kamakarami mesupa hangko i lalumi. Hangangaa maalusu babehiami hai lolitami. Itimi kamakara au bara ara katebaliana, hai au napokatana Pue Ala.

1 Peturu 5:5

Nodo wori ikamu au mangura mani, hangangaa mengkorukau i tosae. Ope-opekau hangangaa mengkaiwoi hai mombetulungi. Lawi: “Pue Ala moewahe tauna au mampemahile, agaiana tauna au mengkaiwoi Natulungihe.”

Pampetudungia 2:23

Ope-ope tauna au meula iria ina Kupapatehe. Hangko inditi, ina tongawa i ope-ope jumaa kaIkona au moparesa pekiri manusia hai lalu manusia. Ina Kuhurungikau hintoto hai babehiami.