Lukasi 14:22 - Sura Malelaha

²² Pesulena, mololita mbuli i ampuna, nauli, ‘Ampu, hawamu kupopolumaomi, agaiana ara mani pohudaa au soa.’

Lukasi 14:22 Mawu Ofanana

Lukasi 14:21

Pesulena hawi iti, napahawemi i ampuna pehananda tauna au rakakio. Rumihi mpuu karumpuna ampu susa iti, ido hai mouliangaa hawina, ‘Laomoko hoholiga i rara mahile hai i penga-penga rara i boea. Nukakio mai ope-ope tauna au meahi-ahi tuwonda, au bara masilolonga watanda, au bilo, hai au palu.’ Lao mpuumi hawi iti moula hawana ampuna.

Lukasi 14:23

Ido hai nauliangaa ampu susa iti, ‘Lao mbuliko i raoa boea bona nubambari posusa ide iumba pea, maroa i rara au mahile maroa i rara au koi. Hangangaa nupasimbukuhe mai tauna bona soungku buke.

Yohane 14:2

I souna UmaNgku, ngkaia paidaa. Ane kebara, barakau ina Kuuliangaa nodo, lawi laoNa mopasilolongaakau paidaami.

Epesu 3:8

Hangko i ope-ope tauna au mepoinalai i Pue Yesu, ikomi au tepaiwoi tuwongku. Nauri nodo, anti kabulana laluna Pue Ala, Napileimona bona mobambarina Ngkora Marasa i tauna au barahe to Yahudi kana i kamahilena pewati au bara tehoka au tahumba hangko i Kerisitu.

Kolose 2:9

lawi i Kerisitu au mewalimi manusia tahumba ope-ope kuasana hai poantina Pue Ala au bara ara kamakurana.

1 Yohane 2:2

Hai Iami au mate mewali pahuruna watanta bona Pue Ala moampungi dosanta. Hai bara pea dosanta au Nahuru, agaiana dosanda wori tauna i humalele dunia.