Lukasi 14:18 - Sura Malelaha

¹⁸ Agaiana ope-opehe au rakakio, ara penggolianda pane barahe peisa lao i posusana. Hadua au nguru-nguruna rakakio manguli, ‘Hangko meholona tampo, hai hangangaa lao hampai kupeita. Merapi ampuna, barana peisa lao.’

Lukasi 14:18 Mawu Ofanana

Lukasi 14:17

Masilolongami ope-ope, ampu susa motudumi hawina lao mouliangaahe tauna au rakakio, ‘Laomoke maande, lawi masilolongami ope-ope.’

Lukasi 14:19

Ara mbuli hadua au manguli, ‘Hangko meholona lima bokona japi, hai hangangaa laohe hampai kupopopajeko. Merapi ampuna, barana peisa lao!’

Lukasi 18:24

Naisa Yesu kamasusana laluna, ido hai Nauli, “Mapari mpuu tauna au pebuku mewali taunana Pue Ala i lalu poparentaNa.

Lukasi 8:14

Tinuda au manawo i lalu dui, lempona mohaditohe Ngkorana Pue Ala, agaiana mopailalu liliu peahe katuwonda i lalu dunia ide, hai mampeinao peahe morampu peawa dunia. Lalunda nabukehi paka-pakana dake. Ope-ope iti mopaara pea kadana tinda lalunda, alana barapohe mepoinalai hai bara mobundu Ngkorana Pue Ala i lalu katuwonda.

Yohane 1:11

Mogalori i tampoNa haduduaNa, Ia bara radoko.

Yohane 5:40

Agaiana bara mani niunde mai Iriko bona molambikau katuwo maroa au bara mokahopoa.

Pilipi 3:4

Ane kekuunde, peisa worina mampoinalai ada iti. Ane ara tauna au mouli rumihi poulanda ada au raita pea i raoa, pelumbunami iko!

2 Timotiu 4:10

Lawi ina barapi ara au mamporangaina inde. Napalehimona Demas, lawi laomi i Tesalonika mohaoki katuwona i dunia ide. Kreskes, lao i Galatia. Titu lao i Dalmatia.

2 Timotiu 4:4

Mengkantulihe ane mohadihe paturo au tou, agaiana paturo au rapapatunda, itiri au raunde rapehadingi.

Ibarani 12:16

Nipamaroa-roa babehiami bona datikau ara au mebualosi ba mobabehi babehia au merikai. Ineekau ara au bara meula i peundeana Pue Ala nodo Esau hangkoia, lawi ia bara moholoi pewatina Pue Ala hangko i katowutuna. Kirana au katouana nahumba hangko i umana anti katowutuna, napobaluri i adina, naintolohi pea hai hantabo paande.