Lukasi 14:11 - Sura Malelaha

¹¹ Hema au mampeindora ina rapaiwoi, hai hema au mengkaiwoi ina rapaiwongko.”

Lukasi 14:11 Mawu Ofanana

Matiu 23:12

Tauna au mampeindora batena rapaiwoi, hai tauna au mengkaiwoi batena rapaiwongko.

Lukasi 1:51

Anti kamarohona kuasaNa, Ia mobabehi apa au maroa ntepuu. Tauna au mampemahile, Nahawu-hawuhe bona tunggaianda bara mewali.

Lukasi 1:52

Datu Napopendauluhe hangko i lantinda, Agaiana tauna au mengkaiwoi, Napaiwongkohe.

Lukasi 14:12

Roo indo, Yesu mololita i toParisi iti, Nauli, “Ane mokakioko tauna mai i posusamu, maroa pualo ba kaindi, ineeko mokakio rangamu, halalumu, hai topebuku i lalu boeamu. Lawi ihira, batena ina mokakio woriko, hai apa au nubabehi iti ina tehurungi.

Lukasi 18:14

Hangko indo, napahopo Yesu lolitaNa, Nauli, “Tou mpuu au Kuuliangaakau: i pesulenda i sounda, toperuru asele itimi nadoko Pue Ala hai Naimba manoto i peitaNa, agaiana toParisi iti, bara nadoko Pue Ala. Lawi hema au mampeindora, ina napaiwoi Pue Ala. Hai hema au mengkaiwoi, ina napaiwongko Pue Ala.”

Yakobu 1:9

To Sarani au meahi-ahi tuwonda, hangangaa matanahe, lawi nauri nodo, batena napaiwongkohe Pue Ala anti pepoinalainda.

Yakobu 4:10

hai mengkaiwoikau i lindona Pue. Ane nodo, ina Napomahilekau.

Yakobu 4:6

Agaiana melumbu petulungina Pue Ala au Naweike hangko i kabulana laluNa pane kamahinana lalunta. Ido hai ara au teuki i lalu Sura Malelaha node: “Pue Ala moewahe tauna au mampemahile, agaiana tauna au mengkaiwoi, Natulungi anti kabulana laluNa.”

1 Peturu 5:5

Nodo wori ikamu au mangura mani, hangangaa mengkorukau i tosae. Ope-opekau hangangaa mengkaiwoi hai mombetulungi. Lawi: “Pue Ala moewahe tauna au mampemahile, agaiana tauna au mengkaiwoi Natulungihe.”

1 Peturu 5:6

Ido hai halalu, mengkaiwoimokau, hai mengkorukau i Pue Ala au makuasa bona Napaiwongkokau ane hawe tempona.