Lukasi 13:29 - Sura Malelaha

²⁹ Bosa tauna au barahe to Yahudi ina mewali taunana Pue Ala i lalu poparentaNa. Ina maihe hangko i humalele dunia, mohudahe hai maandehe matana-tana i lalu poparentana Pue Ala.

Lukasi 13:29 Mawu Ofanana

Matiu 8:11

Mewali bona niisa, i lalu poparentaNa Pue Ala, bosa tauna au barahe to Yahudi ina mewali taunaNa. Ina maihe hangko i humalele dunia, mohudahe hai maandehe matana-tana i lalu suruga hihimbela hai Burahima, Isaki hai Yako, toiorunda to Yahudi.

Markus 13:27

Ina Kutuduhe malaekaNgku lao mogulu tauna au Kupilei hangko i humalele dunia, hangko i Mata alo hawe i Katampua alo.”

Lukasi 13:30

Kahopoana, tauna au tepaibokoa ina mewali tepaiorua. Hai tauna au tepaiorua ina mewali tepaibokoa.”

Suro 28:28

Roo indo, nauli mbuli Paulu irihira, “Halalu bona niisa, ara Ngkora Marasa au mopakanoto rarana Pue Ala mohorema tauna hangko i huku dosanda. Ngkora Marasa iti rapahaweamohe tauna au bara to Yahudi. Ihirami au ina modoko bambari iti!”

Kolose 1:23

ane mepoinalai liliukau, mantahakau, hai barakau mampogiangaa tauna mopakanawokau. Mewali halalu, hangangaa nipakaroho peulami i paturo au nihadimi. Ineekau mokabaha peharungami i apa au nadandiamokau Pue Ala i lalu Ngkora Marasa. Ngkora Marasa iti rabambarimi i humalele dunia. Hai iko wori, mewalina hawina Pue au mopahawe Ngkora Marasa iti.

Kolose 1:6

Ngkora Marasa iti, tebambarimi i humalele dunia alana kabosa-bosaa tauna au mepoinalai i Pue Yesu hai mobabehi apa au maroa. Himbela hai au mewali irikamu, halalu. I kamohadimi Ngkora Marasa iti, liliumokau mepoinalai i Pue Yesu, alana moisa ntepuukau kabulana laluna Pue Ala irikita.