Lukasi 13:12 - Sura Malelaha

¹² Kanaitana Yesu towawine iti, Nakakiomi, Nauliangaa, “Ina! Maohamoko hangko i hakimu.”

Lukasi 13:12 Mawu Ofanana

Matiu 4:23

Yesu molumao i humalele tampo Galilea hai mepaturo i ope-ope sou penombaa. Ia mopahawe Ngkora Marasa kana i poparentana Pue Ala, hai mopakaoha worihe ope-ope tauna au mahai hai au bara masilolonga watanda.

Matiu 8:16

Kalumbami, bosa tauna mai i Yesu moanti ranganda hai halalunda au mahai hai au napesuangi seta. Yesu mampopeloho seta iti hai lolitaNa pea, hai tauna ntanina au mahai Napakaoha worihe.

Lukasi 13:11

Inditi, ara hadua towawine au hampulomi hai ualu parena mahai, lawi napesuangi seta. Towawine iti bungku, bara peisa meangka togo.

Lukasi 13:13

Roo indo, Yesu motobo towawine iti. Unga pea manoto bengona, meangkami, hai liliu motoia Pue Ala.

Lukasi 13:16

Inde, ara hadua towawine au pemuleana wori Burahima; hampulomi hai ualu parena nahilu Datu Tokadake. Bara pae hintoto ane towawine ide rakabaha hangko i karatakana i Alo Pengkarooangaa?”