Lukasi 12:8 - Sura Malelaha

⁸ “Pehadingi maroa lolitaNgku: hema au mopangaku i lindonda tauna bosa peulana Iriko, Ana Manusia, ia ina Kupangaku wori i lindonda malaekana Pue Ala.

Lukasi 12:8 Mawu Ofanana

Matiu 8:20

Nahanai Yesu, Nauli, “Serigala ara kalolunda, hai tadasi ara haranda, agaiana Iko, Ana Manusia, bara ara sou au Kupaturui.”

Lukasi 15:10

Nodo wori kamatananda malaekana Pue Ala mampokatana hadua tomadosa au menoso hangko i dosana.”

2 Timotiu 2:12

Ane sabarake mohalea kapari anti peulanta Iria, ina moparenta worike hihimbela hai Ia. Agaiana ane tasapuaka peulanta Iria, ina Nasapuaka wori kaikitana taunaNa.

1 Yohane 2:23

Tauna au mosapuaka Anana Pue Ala, barahe mohintuwu hai Pue Ala Umanta. Tauna au mopangaku Yesu Anana Pue Ala, mohintuwu worihe hai Pue Ala Umanta.

Pampetudungia 2:10

Bona niisa: Datu Tokadake ina motarunggu hanggaa hangko irikamu, hai ina nakelokau bona mousulikau hangko i pepoinalaimi. Ina rapopeahi-ahikau hampulo alona kamahaena. Agaiana inee nipokalanga pepopeahi-ahi iti. Hangangaa mantahakau i lalu pepoinalaimi kehapirikau rapapate. Ane nodo nibabehi, ina Kuweikau katuwo maroa au bara mokahopoa, hurungina penangimi.

Pampetudungia 2:13

Nauli: Kuisa iumba paidaami. Maidakau i wanua pohudaana Datu Tokadake. Agaiana nipangaku liliuNa. I karapapatena sabiNgku Antipas, bara nisapuaka kanipoinalaiNgku. Antipas iti iami sabiNgku au mopangaku liliuNa duuna rapapate i boeami au nakuasai Datu Tokadake.