Lukasi 12:30 - Sura Malelaha

³⁰ Ope-ope iti rahaoki liliu tauna au bara moisa Pue Ala. Agaiana ineekau langa, lawi ope-ope au niparaluu, naisa haha Umami au i suruga.

Lukasi 12:30 Mawu Ofanana

Matiu 10:20

Mewali, apa au niuli i tempo iti, bara hangko i pekirimi. Lolitami iti ina mesuwu hangko i Inao Malelaha au Naweikau Umami au ara i suruga. Iami au ina mopakanotoakau apa au niuli i tempomi mololita.

Matiu 18:14

Nodo wori Umami au ara i suruga, bara Naunde ane ara hadua nodo anangkoi ide au puha.”

Matiu 5:47

Ane maroa pea lalumi i himadami, ba niuli maroami babehiami? Mogalori tauna au bara moisa Pue Ala, nodo wori rababehi.

Matiu 6:1

“Nipamaroa-roa ineekau mobabehi rara mpoagama i lindonda tauna bosa bona raita peakau hangka rangami. Lawi ane nodo babehiami, barakau ina nawati Pue Ala, Umami au ara i suruga.

Matiu 6:32

Ope-ope iti rahaoki liliu tauna au bara moisa Pue Ala. Agaiana ineekau langa, lawi ope-ope au niparaluu, naisa haha Umami au i suruga.

Matiu 6:8

Inee nipeulai babehianda! Lawi naisa amimi Umami au ara i suruga apa au niparaluu hangko damani niperapi.

Lukasi 12:29

Inee karao inaomi ba nipekiri liliu, niuli: ‘Apami wei au taande hai taenu?’

Lukasi 12:31

Mewali, hangangaa nipaioru poparentana Pue Ala i lalu katuwomi, hai hinangkana au niparaluu batena Naweikau.”

Lukasi 12:32

“Ikamu au meula Iriko, ineekau langa, nauri barakau bosa. Lawi hangko i kabulana laluna Pue Ala Umami, mopileikau molambi katuwo maroa i lalu poparentaNa.

Yohane 20:17

Nauli Yesu i Maria, “IneeNa nukingki, lawi bara maniNa mengkaore lao i UmaNgku. Laomoko i halaluNgkuhe, nuuliangaahe ina laomona i UmaNgku hai Umamu wori, Pue AlaNgku hai Pue Ala au nipenombai.”

Epesu 4:17

Mewali, hai kuasa au naweina Pue, kuuli hai kupaturoakau: Ineemokau tuwo nodo katuwomi hangkoia au bara moisa Pue Ala, lawi au rapekiri bara mobundu

1 Tesalonika 4:5

Ineekau naanti peundeana lalumi au kadake, nodo au biasa mewali i tauna au barahe moisa Pue Ala.