Lukasi 12:20 - Sura Malelaha

²⁰ Agaiana Pue Ala mongkora iria Nauli, ‘Ee tontuli! Kaindi ide, inaomu ina raala. Mewali, ope-ope au nurampu iti, hemami ampuna?’ ”

Lukasi 12:20 Mawu Ofanana

Lukasi 11:40

Ntuli mpuukau! Bara pea watanta au napopewali Pue Ala. Ia mampopewali wori lalunta.

1 Tesalonika 5:3

I temponda tauna au barahe moisa Pue Ala manguli, “Maroa mpuu katuwonta, bara ara kalanganta,” unga pea hawe kapari mahile au morumpahe, nodo pantodihana hadua towawine au ina moana. Bara mpuu huba hadua au tekabaha hangko i kapari iti.

1 Timotiu 6:17

I tauna au pebuku, nupaturohe bona ineehe mampemahile hai ineehe meharunga i anu-anu dunia, lawi anu-anu dunia batena pea marugi. Agina mepoinalaihe i Pue Ala au moweike ope-ope pewati au bara ara hokana. Iami au tapokatana.

1 Timotiu 6:7

Lawi kahawenta i dunia ide, bara mai ara au taanti. Nodo wori i pesulenta, bara ara au ina taanti mesule.

Yakobu 4:14

moleri bara niisa apa au ina mewali kahalo i katuwomi! Katuwomi nodo pea rambu; sangka pea raita, hai roo indo, matanta!