Lukasi 12:11 - Sura Malelaha

¹¹ Ane raantikau i tadulako agama ba i topoparenta boea anti peulami Iriko, ineekau langa kana i apa au ina niuliangaahe hai ba noumba pehanami.

Lukasi 12:11 Mawu Ofanana

Matiu 23:34

Toiorumi hangkoia mopapatehe bosa tauna au manoto babehianda, mepongka hangko i Habeli hawe i nabi Sakaria anana Berekia au rapapate i tabangaa Souna Pue Ala i olo sou malelaha hai meja pohuwea popenomba. Mewali, ina kutuduhe nabi, tauna au mapande hai guru-guru laohe irikamu au tuwo ide-ide bona mopaturoakau lolitaNgku. Agaiana arahe au ina nipapate, arahe au ina nipaku i kau mombehape, arahe au ina nipapahai i lalu sou penombaami, hai ara worihe au ina niwuwulai i boea ntanina. Kahopoana, ikamu au tuwo ide-ide ina mohalea ope-ope kanawoana toiorumi hangkoia au mopapatehe tauna au manoto.

Matiu 6:25

“Mewali, Kuuliangaakau, inee karao inaomi ba niuli, ‘Apami wei au taande hai taenu?’ Inee karao inaomi ba niuli, ‘Apami au tapohampi?’ Lawi katuwomi melumbu hangko i paande hai pehampi.

Matiu 6:27

Apami pobunduana ngkaia au nipekiri? Kehapiri karao inaomi mampekiri mampopengaa, barakau peisa motambai tinuwumi nauri hambengia pea.

Matiu 6:28

Moapari hai karao inaomi mampekiri pehampimi? Peita bunga i pada. Barahe mobago, barahe mandau.

Matiu 6:31

Inee karao inaomi ba niuli, ‘Apami wei au taande hai taenu? Apami wei au tapohampi?’

Matiu 6:34

Mewali, inee karao inaomi mampekiri apa au ina mewali kahalo. Alo ide handami kamaparina, inee mbuli nitambai mampekiri apa au ina mewali kahalo.”

Lukasi 12:22

Nauli Yesu i topeguruNa, “Ido hai Kuuliangaakau inee karao inaomi ba niuli, ‘Apami wei au taande?’ Inee karao inaomi ba niuli, ‘Apami au tapohampi?’