Lukasi 11:9 - Sura Malelaha

⁹ Mewali Kuuliangaakau: perapimide i Pue Ala, ina Naweikau. Haokimide apa au niparaluu i Pue Ala, ina nilambi. Tidongkomide baba, ina Nabungkahiakau.

Lukasi 11:9 Mawu Ofanana

Matiu 21:22

Apa pea au niperapi i lalu pekakaemi, ane nipoinalai, batena ina nilambi.”

Matiu 21:31

Roo indo, mekune Yesu i tadulako agama Yahudi, Nauli, “Mewali, hangko i anangkoi au rodua iti, hema au mampeulai hawana umanda?” Rahanai tadulakonda to Yahudi, “Au towutu.” Nauli Yesu, “Kana pehanami. Agaiana Kuuliangaakau: tauna au madosa, nodo toperuru asele hai towawine au bara hintoto babehianda, ihirari au ina nadoko Pue Ala mewali taunaNa i lalu poparentaNa, bara ikamu.

Matiu 6:29

Agaiana Kuuliangaakau, mogalori Datu Salomo au pebuku ntepuu, hampina bara himbela peraena hai bunga iti.

Markus 11:24

Mewali, nipehadingi lolitaNgku ide: ane mekakaekau mamperapi ba apa-apa, hangangaa nipoinalai kaina Naweimi Pue Ala apa au niperapi, hai batena nilambi.

Markus 13:37

Apa au Kuuliangaakau ide, Kuuli wori i ope-ope tauna. Hangangaa mainga-ingakau!”

Lukasi 11:10

Lawi hema au merapi ina rawei. Hema au masaoki ina molambi. Hema au motidongko baba, ina rabungkahia.

Yohane 14:13

Mewali, apa au niperapi anti pepoinalaimi Iriko, ina Kubabehi, bona apa au Kubabehi iti mampomahile UmaNgku.

Yohane 15:16

Bara ikamu au mopileiNa. Ikori au mopileikau. Kutudukau mowua; hai wua pobagomi iti bara ina matanta, ina mobundu hawe i hae-haena. Mewali, apa au niperapi i UmaNgku i lalu hangaNgku, batena Naweikau.

Yohane 15:7

Ane mohintuwu liliukau hai Iko hai lolitaNgku nipailalu liliu, niperapimi i Pue Ala ba apa peundeami, batena Naweikau.

Yohane 4:10

Nauli Yesu, “Ane kenuisa kamahilena pewatina Pue Ala hai hemaNa au merapi owai ide, kemerapi woriko owai Iriko, hai Kuweiko owai au mepatuwo.”

Roma 2:7

Ara tauna au mobabehi liliuhe roa, lawi rapeinao molambi petoia, pebila hai katuwo au monono hangko i Pue Ala. I tauna au nodo, ina naweihe Pue Ala katuwo maroa au bara mokahopoa.

2 Korintu 6:2

I lalu Sura Malelaha Pue Ala mongkora node: “I tempo au Kupakanoto, Kupehadingimi pekakaemu, I alo pehorema, Kutulungimoko.” Halalu, kuuliangaakau, ide-idemi tempo au napakanoto Pue Ala motulungikau. Temponami ina Nahoremakau hangko i huku dosami.

Ibarani 11:6

Mewali taisa mpuu: bara ara tauna au napokatana Pue Ala ane bara mepoinalai Iria. Lawi tauna au mohungkuki Pue Ala hangangaa raisa i lalunda: Pue Ala tou-tou mpuu ara, hai batena ina mowei hurungina au maroa i ope-ope tauna au tou-tou mohaoki Pue.

Ibarani 4:16

Ido hai halalu, ineemoke langa. Peisamoke mohungkuki Pue Ala i kadera kadatuaNa au i suruga bona modokoke kamaahiNa, hai Natulungike hangko i kabulana laluNa i tempona au taparaluu.

Yakobu 1:5

Ane arakau au bara moisa rara mokadipura tuwomi, agina niperapi kanoto lalu hangko i Pue Ala, hai batena Naweikau. Lawi apa au Nakira, Nakiraiahe ope-ope tauna hangko i kabulana laluNa, barahe Nawei ngkahunda-hunda.

Yakobu 5:15

Ane pekakae iti tou-tou mpuu hangko i pepoinalai, tomahai iti batena maoha. Hakina ina napakaoha Pue Ala, hai dosana teampungi worimi.

1 Yohane 3:22

hai apa au taperapi Iria batena Naweike, lawi mampeulaike hawaNa hai mobabehike apa au mopamatana laluNa.

Pampetudungia 2:24

Agaiana arakau hanggaa i Tiatira au bara mampeulai paturo au kadake iti, hai bara niunde mampegurui au rauli, ‘Kapangisana Datu Tokadake au tewuniangi’. Mewali Kuuliangaakau, barapi ina Kutambai haleami hai parenta ntanina.