Lukasi 10:41 - Sura Malelaha

⁴¹ Nauli Pue Yesu, “Marta, Marta! Inee karao inaomu, hai inee mampopengaa nupekiri.

Lukasi 10:41 Mawu Ofanana

Markus 4:19

agaiana mampekiri liliu peahe katuwonda i lalu dunia ide. Tauna iti mampeinao peahe morampu anu-anu dunia hai mampopengaa peundeana lalunda. Ido hai Ngkora iti bara mobundu i lalu katuwonda.

Lukasi 10:38

Hangko indo, Yesu mopaliliumi polumaona hihimbela hai topeguruNa, hawemi i hambua boea. I lalu boea iti, ara hadua towawine au rahanga Marta mampopehupe Yesu i souna.

Lukasi 10:40

I tempo iti, Marta rumpu i Maria, lawi ngkaia bagona morora torare. Ido hai laomi Marta i Yesu, nauliangaa, “Pue, halalungku ide barana nadurei. Haduduangku pea mobago! Nuuliangaa bona maina nadurei.”

Lukasi 12:22

Nauli Yesu i topeguruNa, “Ido hai Kuuliangaakau inee karao inaomi ba niuli, ‘Apami wei au taande?’ Inee karao inaomi ba niuli, ‘Apami au tapohampi?’

Lukasi 21:34

“Mainga-ingakau, datikau mosusa-susa hai malangu-langu liliu. Mainga-ingakau datikau mampepekiri liliu katuwomi i dunia ide, alana mampomaleakau. Lawi alo kahaweNgku hule unga pea ina morumpa ope-ope tauna i dunia. KahaweNgku hule iti peisa rapandiri nodo tilobu au mopakanawo tauna au mampomalea.

Lukasi 8:14

Tinuda au manawo i lalu dui, lempona mohaditohe Ngkorana Pue Ala, agaiana mopailalu liliu peahe katuwonda i lalu dunia ide, hai mampeinao peahe morampu peawa dunia. Lalunda nabukehi paka-pakana dake. Ope-ope iti mopaara pea kadana tinda lalunda, alana barapohe mepoinalai hai bara mobundu Ngkorana Pue Ala i lalu katuwonda.

Yohane 11:1

Ara hadua tobalilo au rahanga Lasaru maida i boea Betania hihimbela hai Maria hai Marta, halaluna. (Maria itimi au ina motidorohi bitina Yesu hai lana mawongi, hai naumpahi hai weluana.) Hambela tempo, Lasaru mahai.

Yohane 11:5

Nauri Yesu mampokaahihe Marta, Maria, hai Lasaru,

Yohane 12:2

KahaweNa inditi, Ia raposusai tauna bosa, lawi matanahe modoko Yesu i boeanda. Marta morora torare, hai Lasaru ara hihimbela hai Yesu hai tauna ntanina au ara indo.

Pilipi 4:6

Inee karao inaomi kana i apa pea. I paka-pakana mekakae liliukau, merapikau i Pue Ala, hai niuli ngkaia kamaroana Iria.