Lukasi 10:34 - Sura Malelaha

³⁴ Laomi i tauna iti, nabahoi belana mopake lana mawongi hai anggoro, pane nawewehi. Roo indo, napopesawimi i kalidena, naanti lao i sou posanggaraha, hai nakadipura inditi.

Lukasi 10:34 Mawu Ofanana

Markus 14:8

Towawine iti mobabehimi apa au peisa nababehi. NabumbuhiaNa lana mawongi bona mopasilolonga amimi wataNgku i karatawuNgku.

Lukasi 10:33

Bara mahae hangko indo, moliu wori hadua to Samaria i rara iti. Kamoitana tauna au marugi iti, maahi laluna iria.

Lukasi 10:35

Kahalona madondo, naalami rompeka doi pera, nawei ampu sou, nauliangaa, ‘Nukadipura hampai tauna ide. Ane mesulena mai deade hai doi ide bara mani handa, ina kubaiari ope-ope.’ ”

Lukasi 2:7

Moanami hadua tobalilo, anana au nguru-nguruna. Anana iti nalempingi hai nadampa i lalu dula dimba, lawi inditi barapi ara sou au peisa rapaidai.

Roma 12:20

Mewali, nipeulai paturo i lalu Sura Malelaha au manguli: “Ane iwalimi marimi, nipaandehe. Ane mangkadouhe, nipaenuhe. Ane nodo nibabehi, kahopoana ina mewalihe maea.”

1 Tesalonika 5:15

Ane ara au mobabehi dake irikita, inee wori tahurungi hai dake. Agina mobabehi liliuke au maroa i ranganta hai i ope-ope tauna.