Lukasi 10:2 - Sura Malelaha

² Nauliangaahe, “Tauna bosa nodohe pare au mangka. Ngkaia pare au mangkami, agaiana topepare barahe bosa. Ido hai hangangaa niperapi i ampu bonde bona natuduhe tauna lao mepare i bondena.

Lukasi 10:2 Mawu Ofanana

Matiu 20:1

Nauli Yesu, “Ane Pue Ala mohurungi pobagonda ope-ope taunaNa i alo au ina mai, pewalina nodo ngkora pandiri ide: Hadua ampu bonde anggoro lao mohaoki tauna au raunde mobago i bondena. Madondo-dondo nalambihe tauna, hai nauliangaahe: ‘Laomokau mobago i bondeku, hai ina kuweikau hadua-hadua saromi hampeka doi pera hangaloa.’ Rapokanami lolitana iti, lao mpuumohe.

Markus 13:34

Ane hawe suleNa, pewalina nodo ngkora pandiri ide. Hadua ampu sou motunggai lao i wanua au karao. Hangko damani meangka, mampohawaamohe taunana mokadipura souna, hadua-haduahe nawei bagonda. I topokadipura baba, nauliangaa: ‘Mainga-ingako!’

Markus 16:15

Nauliangaahe Yesu, “Laomokau i humalele dunia, mopahawe Ngkora Marasa i ope-ope tauna.

Markus 16:20

Hangko inditi, laomohe topeguruNa mopahawe Ngkora Marasa iumba-umba pea. Naporangaihe Pue i lalu bagonda, hai Napakaroho pobambarinda Ngkora Marasa hai tanda kuasa au metingkarai bona tongawa katouna Bambari au raanti.]

Lukasi 9:1

Yesu mokakiohe topeguruNa au hampulo hai rodua. Naweihe kuasa monangi ope-ope seta hai mopakaoha tauna au mahai.

Suro 11:19

Mewali, mepongka hangko i karapapatena Setepanu, topepoinalai i Yesu au ara i Yerusale rapopeahi-ahi liliuhe, hai bosahe au melangka lao i boea ntanina. Arahe au hawe i tampo Fenisia, ara worihe au hawe i lewuto Siprus hai i wanua Antiokia. I ope-ope boea au rapolumaongi, mopahawehe Ngkorana Pue Ala i hangka to Yahudinda pea.

Suro 13:2

Hambela tempo, tanganda menomba i Pue hai mopuasa, Inao Malelaha mouliangaahe, “Kupileihe Baranaba hai Saulu mewali topobagoNgku. Nipopeangka maroahe bona laohe mampopolumao bago au Kupahaleangiahe.”

Suro 13:4

Anti peninina Inao Malelaha, Baranaba hai Saulu laomohe i wanua Seleukia i wiwi ntahi. Hangko inditi, mesawimohe i kapala tahi lao i lewuto Siprus.

Suro 20:28

Maroa-roakau datikau madosa, hai nikadipura maroa ope-ope jumaa au napoinalaiakau Inao Malelaha. Hangangaa nikadipurahe, nodo hadua toporewu mamporewu dimbana, lawi Anana Pue Ala mate mobaiari huku dosanda bona mewalihe taunana Pue Ala.

Suro 22:21

Roo indo, nauli mbuli Pue, ‘Hangangaa meangkako, lawi Kutuduko lao i tampo au karao, i tauna au barahe to Yahudi.’ ”

Suro 8:4

Mewali, topepoinalai au mahawuhe iti, mopahawehe Ngkorana Pue iumba pea kalaoanda.

1 Korintu 12:28

Hai irikita au mepoinalai, Pue Ala mopakanotomi bona hadua-hadua ara bagona, kaisa arahe au mewali suroNa, kadua arahe au mopahawe NgkoraNa, hai katalu arahe au mepaturo. Ara worihe au Nawei kuasa mobabehi tanda kuasa. Arahe au Nawei kuasa mepakaoha, arahe au molambi kapande motulungi hangka ranganda, arahe au mewali tadulako, arahe au molambi kapande mololita i lalu basa au hangko i Inao Malelaha.

1 Korintu 15:10

Agaiana anti kabulana laluna Pue Ala hai anti kaNatulungingku, ido hai raangkana mewali suroNa hawe ide-ide. Hai mobundu mpuu kabulana laluNa hai petulungiNa iriko. Lawi mepongka i karaangkaku, meliu pobagongku i Pue hangko i ope-ope surona Pue Yesu au ntanina. Ane rohongku pea haduduangku, bara kubuku mampopolumao bago iti agaiana anti kabulana laluNa Pue Ala hai anti kaNatulungingku, ido hai kubuku.

2 Korintu 6:1

Mewali, ikami ide, hampopobagongkai mopahawe NgkoraNa Pue Ala i tauna. Ido hai kiperapi mpuu halalu bona inee nikakahakei kamaroana laluna Pue Ala au nidokomi.

Pilipi 2:21

Ane au ntantaninahe, mampekiri peahe watanda haduduanda, barahe mampekiri peundeana Yesu Kerisitu.

Pilipi 2:25

Ane halalunta Epafroditus, au mahaemi nitudu mai modureina, kutudumi mesule irikamu. Ikami rodua, nodongkai tauna au hihimbela lao mombeala, lawi hampopobagongkai i lalu bagona Pue, hai natulungimona i lalu kaparingku.

Pilipi 2:30

Anti pobagona i Kerisitu, ina naanti matemi. Ia barapi mampekiri watana haduduana, lawi nipeinao mpuu motulungina inde. Ia mewalimi pahurumi, lawi barakau tepaka mai modureina.

Kolose 1:29

Idomi hai kupari-pari mopaliliu bagongku moula karoho au kuhumba hangko i Kerisitu, lawi mahile mpuu kuasaNa i lalu katuwongku.

Kolose 4:12

Tabea wori hangko i Epafras, hawina Kerisitu Yesu au hambomboeami. Napekakaea liliukau bona maroho peangkami hai manoto pepoinalaimi moula ope-ope peundeana Pue Ala bona datikau masala.

1 Tesalonika 2:9

Halalu, manoto nikatuinao mpuu noumba karumihina pobagongki hangkoia. Mabaa ba kaindi mohaoki liliungkai paandeki datikau kipakapari tangangki mopaturoakau Ngkora Marasa au hangko i Pue Ala.

1 Tesalonika 5:12

Halalu, kiperapi bona nibilahe tauna au mobago mantimi i lalu bagona Pue i olomi, lawi ihira napileimohe Pue bona monini hai mopaturokau.

2 Tesalonika 3:1

Mewali, halalu, kiperapi bona nipekakaea woringkai. Mekakaekau i Pue Ala bona kabosa-bosaa tauna au mohadi hai modoko Ngkorana Pue, nodo au mewali irikamu hangkoia.

1 Timotiu 4:10

Ido hai hangangaa mobago mantimike, lawi mepoinalaike i Pue Ala au tuwo i hae-haena hai au mohorema ope-ope tauna, ihira au mepoinalai Iria.

2 Timotiu 4:5

Timotiu, kuweiko lolita bona nuisa morempeki peundeana lalumu. Mantahako mohalea kapari. Mobambari liliuko Ngkora Marasa, hai nupahopo maroa ope-ope bago au naweimoko Pue.

Pilemo 1:1

Sura ide hangko iriko Paulu, au ratarunggu anti pobagongku mopahawe bambari kana i Kerisitu Yesu, hai hangko i Timotiu, halalunta hampepepoinalai. Kipakatu sura ide irio Pilemo, halalungki hampopobago au kipokaahi.

Ibarani 3:6

Agaiana Kerisitu, bara pea topobago. Ia Anana Pue Ala au matundu mampopolumao bagoNa nodo hadua tadulako au mokadipura ope-ope ihi souna Pue Ala. Ihi souna Pue Ala iti, ikita idemi, asala maroho liliu pepoinalainta hai meharunga liliuke i Pue Yesu duuna i kahopoana.

Pampetudungia 2:1

Nauliangaana Yesu, “Nuukimi lolita ide hawe i tadulako au mokadipura jumaa i wanua Epesu: Idemi lolitana Pue Yesu au mokingki betue au pitu oguna i taie koanaNa hai au molumao i olo pitu mbuana biti hulo bulawa.