Lukasi 10:11 - Sura Malelaha

¹¹ ‘Mogalo awu hangko i boeami au mentaka i palanta bitingki, kitaronta i lindomi bona niisa barapi ikami au mohuru ane Pue Ala mohukukau. Agaiana maroa-roakau, lawi ina hawemi poparentana Pue Ala!’

Lukasi 10:11 Mawu Ofanana

Matiu 10:14

Ane ara ampu sou ba ampu boea au barahe modokokau ba au barahe mounde mampehadingi lolitami, nipalehi sou ba boea iti, hai nitaronta awu au mentaka i palanta bitimi, iti tandana barapi ikamu au mohuru ane Pue Ala mohukuhe.

Matiu 10:7

Niuliangaahe, ‘Barapi mahae ina hawe poparentana Pue Ala i dunia.’

Matiu 3:2

nauliangaahe, “Menosomokau hangko i dosami, lawi barapi mahae ina hawe poparentana Pue Ala i dunia.”

Markus 6:11

Ane ara ampu boea au barakau radoko ba au barahe madota mampehadingi lolitami, nipalehi boea iti, hai nitaronta awu au mentaka i palanta bitimi, iti tandana barapi ikamu au mohuru ane Nahukuhe Pue Ala.”

Lukasi 10:10

Agaiana ane mesuakau i lalu hambua boea hai barakau radoko, laomokau i rara mahile hai niuliangaahe,

Lukasi 10:9

Nipakaoha tomahai au ara i lalu boea iti, hai niuliangaahe ampu boea: ‘Ina hawemi poparentana Pue Ala irikamu.’

Lukasi 9:5

Ane hawekau i boea hai barakau radoko ampu boea, nipalehi boea iti, hai nitaronta awu au mentaka i palanta bitimi, tandana barapi ikamu au mohuru ane Pue Ala mohukuhe.”

Suro 13:26

“Halalungku pemuleana Burahima, hai ikamu wori au barakau to Yahudi au menombakau i Pue Ala: irikita rapahawe bambari au mopakanoto rara bona peisake tekabaha hangko i huku dosanta.

Suro 13:40

Agaiana mainga-ingakau bona dati mewali irikamu nodo au rapahawe nabi-nabi hangkoia node:

Suro 13:46

Agaiana Paulu hai Baranaba pebaihe mouliangaa to Yahudi iti, “Katouana, Ngkorana Pue Ala nguru-nguruna hangangaa rapahawe hampai irikamu to Yahudi, agaiana bara nidoko. Ikamu haduduami au mopakanoto kadami hintoto molambi katuwo maroa au bara mokahopoa. Ido hai ina kipalehimokau lao i tauna au barahe to Yahudi!

Suro 13:51

Mewali, Paulu hai Baranaba motarontamohe awu au ara i bitinda, tanda kadanapi ihira au mohuru ane Pue Ala mohukuhe ampu boea iti. Hai roo indo, laomohe i wanua Ikonium.

Roma 10:21

Agaiana kana i to Isaraeli, Pue Ala manguli node, “Kehapiri hangaloa Kuona taieNgku modokohe, batena rasapuakaNa hai matua liliu lalunda.”

Roma 10:8

Nauli mbuli Musa node, “Ngkorana Pue hungku ntepuu irikamu. Ngkora iti peisa nuhowara hai nupailalu.” Itimi ngkora au kipahawe i ope-ope tauna iti, iami bambari pepoinalai.

Ibarani 1:3

Hangko Iria tongawa peawana tuwona Pue Ala. Hangko i Yesu moitake poantina hai kuasana Pue Ala. Ia au mokadipura hinangkana au ara hai lolitaNa au makuasa. Ia au mohuhu wataNa rapapate bona mobahoi manusia hangko i dosanda. Hai roo indo, mengkaoremi lao i suruga mohuda ntanda i koanana Pue Ala i lalu poparentaNa.