Lukasi 1:76 - Sura Malelaha

⁷⁶ Roo indo, Sakaria mouliangaa anana: “Oio, anangku, ina rauliko nabina Pue Ala au melumbu kuasaNa hangko i ope-ope au rapenombai. Lawi oiomi au ina lao ioru hangko i Pue, mopasilolonga lalunda tauna bosa motarima Ia.

Lukasi 1:76 Mawu Ofanana

Matiu 14:5

Katouana, napeinao peami Herode mopapate Yohane, agaiana mampokalanga tauna bosa, lawi rauli tauna bosa ia hadua nabi.

Matiu 21:26

Agaiana ane tauli hangko i manusia pea kuasana, langake i tauna bosa, lawi tauna bosa manguli Yohane iti hadua nabi.”

Matiu 3:11

Nauli mbuli Yohane, “Kuriukau hai owai, tanda pampenosoimimi dosami. Agaiana ina hawe hadua tauna au meliu kuasaNa hangko iriko. Mogalori mowosui peana kandupaNa, barana hintoto. Ia au ina moriukau hai Inao Malelaha hai api.

Matiu 3:3

Yohane itimi au natunggai lolitana nabi Yesaya hangkoia au manguli node: “Ara tauna au monganga-nganga i pada wungi, nauli, ‘Ina hawe Pue! Nipasilolonga raraNa, Nipakanoto rara au ina Napoliungi.’ ”

Markus 11:32

Agaiana mapari wori ane tauli hangko i manusia pea kuasana.” Tadulakonda to Yahudi iti langahe mopakoi Yohane Toperiu datihe raewa tauna bosa, lawi ope-ope tauna manguli Yohane iti hadua nabi.

Lukasi 1:32

Ia ina mahile tuwoNa, hai Ia ina rauli Anana Pue Ala au melumbu kuasaNa hangko i ope-ope au rapenombai. Hai ina naangka Pue Ala mewali Datu, hai Napopohuda i pohudaana Datu Daudi, toioruNa.

Lukasi 1:35

Nahanai malaeka, “Inao Malelaha ina mendaulu irio, hai kuasana Pue Ala ina mobobongiko. Ido hai anangkoi au ina nupoanaka iti, ina rauli Anana Pue Ala au Malelaha.

Lukasi 6:35

Inee nodo babehiami! Hangangaa nipokaahi iwalimi, hai hangangaa nibabehi au maroa irihira. Ane ara tauna au mampeinao mebolo irikamu, niwei woia hai inee niharunga pesulena. Ane nibabehi nodo, ngkaia pewati ina naweikau Pue Ala, hai ina raimbakau anaNa, lawi nodomi kamaroana laluna Pue Ala i tauna au kadake hai i tauna au bara raisa manguli ngkaia kamaroana Iria.

Yohane 1:23

Nahanaihe Yohane hai lolitana nabi Yesaya hangkoia, nauli, “Ikomi tauna au monganga-nganga i pada wungi: ‘Pue ina hawe. Nipasilolonga raraNa!’ ”

Yohane 1:27

Iami au hawe roo iko. Mogalorina mokakahi pekapu kandupaNa, barana hintoto.”

Yohane 3:28

Hangkoia, nihadimi lolitangku au manguli: ‘Iko barana Datu Topehompo. Agaiana ratuduna moioru mai mopasilolonga raraNa.’ ”

Suro 16:17

Towawine iti meula liliu irikami, monganga-nganga, nauli, “Ihira ide hawina Pue Ala au melumbu kuasaNa hangko i ope-ope au rapenombai! Kamainda inde, maihe mopahaweakau rara bona peisakau tehorema hangko i pehukuna Pue Ala.”