Lukasi 1:15 - Sura Malelaha

¹⁵ Ia ina mewali tauna au mahile tuwona i peitana Pue Ala. Ia bara ina maenu apa au melangui. Hai mepongka i karapoanakana, ina nakuasai Inao Malelaha.

Lukasi 1:15 Mawu Ofanana

Lukasi 1:14

Anangkoi iti ina nupokatana mpuu, hai i karapoanakana, ina rapokatana wori bosa tauna ntanina.

Lukasi 7:28

Hai nauli mbuli Yesu, “Pehadingi maroa: hangko i ope-ope tauna au rapoanaka i lalu dunia ide, bara ara hadua au meliu kamahilena tuwona hangko i Yohane. Agaiana i poparentana Pue Ala mogalori tauna au tepakoi tuwona, mahile tuwona pane Yohane. Mewali mepongka ide-ide, morasihe tauna au mengkoru i Pue Ala.”

Lukasi 7:33

Lempona: Yohane Toperiu bara niunde. Iko wori, baraNa niunde. Kamaina Yohane, ia mopuasa hai bara moenu anggoro. Nisapuaka liliu, niuli node, ‘Ia napesuangi seta!’

Yohane 5:35

Yohane iti nodo hulo au mewangka sangka pea hai moanti baa irikamu au nipokatana mpuu, agaiana kamatanami iti sangka pea.

Suro 2:4

Roo indo, ope-ope tauna iti nakuasaimohe Inao Malelaha, hai mepongkamohe mololita i lalu ngkaia pakana basa au bara mani raisa, moula apa au napakanotoahe Inao Malelaha.

Galatia 1:15

Agaiana anti kabulana laluNa Pue Ala, hangko damanina rapoanaka, Napileimona bona mewalina SuroNa.

Epesu 5:18

Ineekau malangu-langu, lawi iti ina moantikau mobabehi ngkaia pakana dake, agaiana hangangaa nakuasai peamokau Inao Malelaha. Anti kuasana Inao Malelaha iti,