Kolose 4:4 - Sura Malelaha

⁴ Nipekakaea wongkoia bona kubuku mopakanoto bambari kana i Kerisitu moula kahihintotoana.

Kolose 4:4 Mawu Ofanana

Suro 4:29

Pue, ide-ide Nuhadimi lolitanda tauna au mampopalangangkai! Ido hai kiperapi Irio bona ikami hawiMungkai ide, Nuweingkai roho lalu datingkai langa mopahawe NgkoraMu.

Suro 5:29

Mehanahe Peturu hai surona Pue Yesu au ntanina, rauli, “Bara hawana manusia au kipeulai, agaiana batena pea hawana Pue Ala au kipeulai.

2 Korintu 3:12

Mewali, anti peharungangki i dandina Pue Ala au wou, ido hai barangkai langa mopahawe Ngkora Marasa i kanoto-notoana.

Epesu 6:20

Anti pobambaringku Ngkora Marasa iti, ide-ide ratarungguna. Mewali, nipekakaea wongkoia bona bai peana mopahawe Ngkora Marasa moula kahihintotoana.

Kolose 4:5

Ane mampogaloakau tauna au barake hampepepoinalai, hangangaa mapande-pandekau moanti watami bona peisakau mampopobundu katepakami mopahaweahe rara mepoinalai i Pue.

Kolose 4:6

Ane molololitakau hai ihira, nipamaalusu lolitami bona moantikau katuwo maroa irihira. Hai nipekiri maroa apa au nipahaweahe bona niisa mohanai pampekunenda.