Kolose 4:2 - Sura Malelaha

² Ineekau oha-oha mekakae, hai i lalu pekakaemi hangangaa mainga-ingakau hai niuli liliu ngkaia kamaroana i Pue Ala.

Kolose 4:2 Mawu Ofanana

Matiu 26:41

Mainga-ingamokau hai mekakaemokau datikau narumpa pekelo. I lalumi niunde mpuu mobabehi au manoto, agaiana bara nibuku lawi watami batena malede.”

Markus 13:33

Ido hai hangangaa mainga-ingakau hai masilolongakau, lawi bara niisa impira kahaweNgku.

Lukasi 18:1

Roo indo, Yesu mopahawe hampaka ngkora pandiri i topeguruNa bona mekakae liliuhe hai inee malede lalunda.

Lukasi 21:36

Mewali, mainga-ingakau, hai mekakaekau i Pue Ala bona tekabahakau hangko i ope-ope kapari au ina mewali, hai bona nibuku meangka i lindoKu, Iko Ana Manusia.”

Suro 1:14

Hampepekiri liliuhe, moteruhuhe mekakae sambela. Inditi ara wori hihimbela hai ihira, bahangkiahe towawine, tepesua Maria inana Yesu. Inditi ara worihe halaluna Yesu.

Roma 12:12

Nipamatana lalumi anti peharungami i hinangka au ina nababehiakau Pue Ala. Mantahakau i lalu kapari. Mekakae liliukau.

Epesu 6:18

Hai i lalu pombealami moewa Datu Tokadake, mekakaekau hai merapi tulungi liliukau i Pue Ala. I hinangkana, mekakaekau moula peninina Inao Malelaha. Ineekau oha-oha mekakae hai hangangaa nipekakaea liliuhe ope-ope tauna au mepoinalai i Pue Yesu.

Pilipi 4:6

Inee karao inaomi kana i apa pea. I paka-pakana mekakae liliukau, merapikau i Pue Ala, hai niuli ngkaia kamaroana Iria.

Kolose 1:9

Mewali, halalu, i kakihadina bambari kana i pepoinalaimi, kipekakaea liliukau. Mekakaengkai i Pue Ala, kiperapi bona hai Inao Malelaha Napamanoto lalumi hai Napopaisaakau ope-ope peundeaNa,

Kolose 2:7

Mewali, hangangaa nipakaroho hai nipatetida lalumi Iria. Nipakaroho pepoinalaimi, nodo au rapaturoamokau. Hai niuli liliu ngkaia kamaroana i Pue Ala.

Kolose 3:15

Pue Ala mokakiokau hai Napopewalikau hawata-wata anti pohintuwumi hai Kerisitu. Mewali, nipakaroho liliu kahintuwumi au hangko i Kerisitu. Hai niuli liliu ngkaia kamaroana i Pue Ala.

Kolose 3:17

Apa pea au nibabehi ba au nipololita, hangangaa nibabehi hai nipololita hintoto hai poanti tauna au meula i Pue Yesu. Hai niuli ngkaia kamaroana i Pue Ala Umanta i lalu hangana Pue Yesu.

Kolose 4:12

Tabea wori hangko i Epafras, hawina Kerisitu Yesu au hambomboeami. Napekakaea liliukau bona maroho peangkami hai manoto pepoinalaimi moula ope-ope peundeana Pue Ala bona datikau masala.

1 Peturu 4:7

Halalu, kahopoa dunia ide hungkumi hai ope-ope ihina ina matanta. Ido hai hangangaa mainga-ingakau hai nipamanoto pekirimi bona peisakau mekakae.