Kolose 4:12 - Sura Malelaha

¹² Tabea wori hangko i Epafras, hawina Kerisitu Yesu au hambomboeami. Napekakaea liliukau bona maroho peangkami hai manoto pepoinalaimi moula ope-ope peundeana Pue Ala bona datikau masala.

Kolose 4:12 Mawu Ofanana

Matiu 5:48

Kamaahina Umami i suruga, bara ara kamakurana. Mewali, iti wori au hangangaa nibabehi.”

Lukasi 1:1

Teopilu au kubila, bosa tauna mopari-pari mouki tuntukana au mewalimi i olonta.

Lukasi 22:44

Mapari mpuu Nahadi, ido hai napari-pari mekakae. Anti kamasusana laluNa, tumbumi siwuniaNa nodo wahe mougu-ogu tudo i tampo.]

Yohane 12:26

Hema au naunde mewali hawiNgku, hangangaa meula Iriko bona iumba kalaoaNgku, inditi wori ia. Hai hema au mewali hawiNgku ina napomahile UmaNgku.”

Roma 15:14

Halalungku ope-ope! Kuisa mpuu kangkaiana babehiami au maroa. Niisami paturo hangko i Ngkorana Pue, hai niisa mombepakaroho mpolalu hadua hai hadua.

Roma 15:30

Halalu! Mohintuwumoke hai Amputa Yesu Kerisitu, hai mombepokaahimoke anti pokalena Inao Malelaha i lalunta. Ido hai kuperapi bona mekakaekau i Pue Ala, nipekakaea wongkoia i lalu pobagongku.

1 Korintu 14:20

Halalu! Ineekau nodo pekiri anangkoi, hangangaa manoto lalumi nodo hadua tosae. Agaiana i babehiami, ikamu hangangaa nodokau hadua analei au bara mani naisa mobabehi apa au kadake.

1 Korintu 2:6

Nauri nodo, ane mololitangkai i tauna au marohomi pepoinalainda i Kerisitu, mampololita mpuungkai kapande. Agaiana au kipahawe iti, bara nodo kapande au hangko i dunia ide ba kapandenda tadulako au kamakuasanda ina tuna.

2 Korintu 13:11

Kahopoana halalu, hangangaa matana-tanakau. Nipakaroho peulami i Pue! Nipeulai paturongku! Hangangaa hampepekirikau hai tuwo mohintuwukau. Pue Ala ina mamporangaikau, mampopaitaakau ahiNa, hai moweikau roa ngkatuwo.

Galatia 1:10

Mewali halalu! Ba nipehangu mampopetoiana i manusia anti pololitangku inona? Bara, agaiana mampeinao peana molambi petoia hangko i Pue Ala. Ba niuli node: “Paulu mampeinao pea mopamatana laluna manusia?” Bara kuunde mopamatana laluna manusia, lawi ide iko, hawinana Kerisitu.

Galatia 4:19

Halalu, kuimba mpuumokau anangku. Hai ide-ide mapari lalungku mampepekirikau. Kamaparina lalungku ide nodo kamaparina hadua towawine au ina moana. Hai ina mapari liliu lalungku duuna poantimi himbela hai poantina Kerisitu.

Kolose 1:22

Agaiana ide-ide, anti kapatena AnaNa, mohintuwumokau hai Pue Ala, hai Napamalelahamokau duuna barapi ara kamasalami ba kamakurami i peitaNa,

Kolose 1:28

Mewali, mobambaringkai i ope-ope tauna kana i Kerisitu. Kiweihe lolita hai kipaturohe, hai kininihe ope-ope moula kapande au nakiraiangkai Pue, bona kiantihe ope-ope Iria hai bara ara kamakuranda, lawi mohintuwumohe hai Kerisitu.

Kolose 1:29

Idomi hai kupari-pari mopaliliu bagongku moula karoho au kuhumba hangko i Kerisitu, lawi mahile mpuu kuasaNa i lalu katuwongku.

Kolose 1:7

Ngkora Marasa iti nihadi hangko i Epafras, rangangki hampopobago au kipokaahi. Epafras iti iami hawina Kerisitu au mobago liliu motulungikau.

Kolose 1:9

Mewali, halalu, i kakihadina bambari kana i pepoinalaimi, kipekakaea liliukau. Mekakaengkai i Pue Ala, kiperapi bona hai Inao Malelaha Napamanoto lalumi hai Napopaisaakau ope-ope peundeaNa,

Kolose 4:9

Hihimbela hai Tikikus, kutudu worimi Onesimus, halalu hambomboeami au tapokaahi, hai ia tauna au peisa rapoinalai. Ihira rodua ina mouliangaakau ope-ope au mewali inde.

1 Tesalonika 5:23

Mekakaengkai i Pue Ala au moweike roa ngkatuwo, kiuli, “O, Pue Ala! Kiperapi bona babehianda to Tesalonika Nupamanoto liliu, duuna malelaha ntepuu katuwonda. Nuporangaihe i lalu katuwonda, maroa lalunda ba pekirinda ba watanda bona dati ara kamasalanda i kahaweNa hule Amputa Yesu Kerisitu.” Nodomi pekakaengki.

Pilemo 1:23

Epafras, au ara hihimbela hai iko i lalu tarunggu anti pobagona mopahawe bambari kana i Kerisitu Yesu, mopakatu wori tabeana irikamu.

Ibarani 5:14

Agaiana paande au matua, kiranda tauna au mangisaami; lempona, tauna au manginaomi mampopontani au maroa hai au kadake.

Ibarani 5:7

I tempona mani Yesu tuwo i lalu dunia ide, Ia meraroa hai moteria, mekakae hai mohowara pamperapiNa i Pue Ala au makuasa mokabaha hangko i kapate. Agaiana Yesu bara moula peundeaNa haduduaNa, batena mengkoru i peundeana Pue Ala. Ido hai Pue Ala mampehadingi pamperapiNa.

Yakobu 1:1

Tabea hangko iriko, Yakobu, hawinana Pue Ala hai Pue Yesu Kerisitu. Sura ide kupakatuakau to Isaraeli au hampulo hai rontina au mahawukau i humalele dunia.

Yakobu 1:4

Hai hangangaa mantaha liliuke duuna i kahopoana bona maroho ntepuu pepoinalainta hai barapi ara kamasalanta ba kamakuranta.

Yakobu 5:16

Ido hai hangangaa mangaku salakau i hangka rangami, hai mombepekakaeakau bona maohakau. Tauna au manoto babehianda pemoso mpuu pekakaenda.

2 Peturu 1:1

Sura ide hangko iriko, Simo Peturu hawina hai surona Yesu Kerisitu, kupakatuakau halalu au mepoinalai i Yesu Kerisitu. Yesu Kerisitu iami Pue Ala au mohoremake hangko i huku dosanta. Anti kamanotona Pue Ala, Napopewalimokau taunaNa au mepoinalai Iria, himbela hai ikami suroNa.

Yudasi 1:24

Toiami Pue Ala au makuasa mokampaikau datikau manawo, hai Iami au mokampaikau bona malelaha liliukau duuna Naantikau lao i lindoNa au buke peawa i lalu katana-tana.