Biblia Todo Logo
Baibulo la pa intaneti

- Zotsatsa -




Kolose 3:8 - Sura Malelaha

8 Agaiana ide-ide, hangangaa nikabaha ope-ope babehia kadake iti, nodo: karumpu kahengke pekahihi poanti-anti lolita au bara tou kana i tauna ntanina, petatarahu.

Onani mutuwo Koperani




Kolose 3:8
35 Mawu Ofanana  

Agaiana ide-ide kuuliangaakau: hema au rumpu i halaluna hampepepoinalai, ina rabotusi i kara-karana. Hema au motunda-tunda halaluna, ina raanti i Topeparesa Mahile. Hai hema au mampotontulia hampepepoinalaina, hintoto mpuu ratende i lalu api naraka.


mebualosi, mampokaelu anu-anuna rangana, hai au mobabehi mampopengaa au kadake. Ara worihe au mepakanawo, nakuasai peundeana laluna au kadake, mahina, mepakadake, mampemahile, hai bara mau modoko paturo.


Nibabehi babehia au hintoto i kabaakana. Ineekau mosusa-susa hai malangu-langu. I babehia tobalilo hai towawine, ineekau mobabehi babehia au sala ba au moula peundeana lalunta au kadake. Ineekau mobungka-bungka ba mahina.


lawi moula manikau peundeana lalumi au kadake. Mahinakau hai mobungka-bungka manikau, itimi au mopakanoto poulami mani peundeana lalumi au kadake, nodo tauna au bara manihe moisa Pue.


Au kupokalanga ane laokau kusondaki kulambikau bara nodo au kupeinao hai hawena irikamu bara nodo au niharunga. Langana ane arakau au mohiho hai mombekahinai, mombekarumpui hadua hai hadua, mengkaiwongko, mombekakabosai, mombepodongkoa, mampemahile, hai au mehawu-hawu


Agaiana maroa-roakau ineekau mobungka-bungka hai mombepakoi mpoinao, datikau mombepakarugi.


menomba i anitu, mampopobundu kuasa hangko i seta; mokahihi rangana, mobungka-bungka, mohiri, polo rumpu, mengkaiwongko, mosisisala hai mepopogaa-gaa,


Ineeke mampemahile, ineeke mombepamahai mpolalu ba mombekahinai.


hangangaa nitendemi babehiami au hangkoia hangko damanikau mepoinalai i Pue. Ope-ope peundeana lalumi au nipeulai i tempo iti mopakanawokau hai mopakarugi katuwomi.


Mewali halalu, nitendemi dongko. Nipololitami apa au tou i hangka rangami, lawi ikita ope-ope hangkirake hangko i Watana Kerisitu.


Ane rumpukau, inee nipogiangaa karumpumi iti moantikau madosa. Ineekau mowoli karumpumi duuna tampu alo,


Inee ara lolita kadake mesuwu hangko i humemi. Agina mohowarakau lolita au hintoto au ina motulungi hai mopakaroho laluna hangka rangami. Lolita au nodo ina moanti roa ngkatuwo i tauna au mohadi.


Inee worikau metatarahu ba mohowara lolita au bara mobundu au bara hintoto rahadi tauna. Aginari mangulike ngkaia kamaroana i Pue Ala.


Mewali, anti kamatenta hihimbela hai Kerisitu, hangangaa takabaha babehianta hai katuwonta au hangkoia. Ineekau motambi-tambi dele, ineekau mobabehi babehia au merikai. Ineekau mohaoki au kadake, ineekau mampokaelu anu-anuna rangami. Lawi hema au mobabehi iti, himbela hai tauna au menomba i anitu.


Inee worikau modongko i rangami. Ineemokau mobabehi nodo, lawi nikabahami ope-ope babehiami hangkoia au nodo,


Hangkoia mopapakoina Yesu hai mampopeahi-ahihe tauna au mepoinalai Iria. Agaiana nauri nodo, Napokaahi mpuuna, lawi i tempo iti bara manina mepoinalai Iria hai bara mani kuisa lempona apa au kubabehi.


Arahe rodua au marugi pepoinalainda iami Himeneus hai Aleksander. Ihira iti kuhuhuhe i kuasana Datu Tokadake bona molambihe pehuku datihe mopapakoi kuasana Pue Ala.


Halalu! Peisa tauli: ope-ope tauna au maroho pepoinalainda iti motolelikike hai mosabiki katuwonta. Ido hai kuhuweki lalunta bona tatende ope-ope au doko mohomboki raranta meula i Pue. Ikita ide nodo tauna au momberiri. Hangangaa tatende dosanta au montimihike, hai mantahake moula rara au napakanotoake Pue Ala.


Bara pae ihirami au mopapakoi hangana Pue Yesu au tebila hai au mewali Amputa?


Mewali, halalu, anti kamolambimimi katuwo au wou, hangangaa nikabaha hinangkana babehiami au kadake hai ope-ope lolita au mepakanawo. Ineekau mengka-mengka, ineekau mahina, ineekau mepakadake.


Polololitanda mampemahile, hai bara mobundu. Modiihe lalunda tauna hai peundeanda au merikai alana tauna iti rapakanawohe, moleri tauna iti bara manihe mahae mopalehi babehianda au kadake.


Agaiana ara hadua tauna au rahanga Looti au natulungi Pue Ala. Looti iti Napopesuwu hampai hangko i wanua Sodomo, lawi ia tauna au manoto laluna. I tempona Looti maida i wanua iti, masusa mpuu laluna moita babehianda tauna inditi, au barahe moisa atura hai au merikai.


Ihira nodohe balumba tahi au melangaki, au moimborakahe eanda haduduanda. Nodohe betue au bara manoto polumaona, au monontohi kamakaindi au tepasilolongami irihira hawe i hae-haena.


Mewali, nauri nodomi pehukuna Pue Ala hangkoia i tauna au kadake babehianda, mia-mia pea kadake babehianda tauna au mepakanawo ide-ide. Topangipi-ngipi itihe, tedii lalunda i paturo au sala, ido hai mopakedai peahe watanda hai babehianda au kadake. Mosapuakahe kuasana Pue Ala, hai mopapakoihe ope-ope au makuasa i suruga.


Mararumohe tauna hangko i kamapanana alo au makere ntepuu, ido hai mopapakoimohe Pue Ala, lawi Ia au makuasa i kapari iti. Barahe menoso hangko i dosanda, hai barahe mopangaku peawana tuwona Pue Ala.


Titsatireni:

Zotsatsa


Zotsatsa