Kolose 3:23 - Sura Malelaha

²³ Bago apa pea au ratuduakau, nipobago mpuu hangko i lalumi. Nipopolumao bago iti nodokau mobago i Pue, bara pea i manusia.

Kolose 3:23 Mawu Ofanana

Matiu 6:16

“Ane mopuasakau, inee marinti lindomi nodohe tauna au maroa i raoa peahe. Ane mopuasahe, marinti lindonda hai raoaka barahe mewawalindo ba mekarabi bona raita tauna kamopuasanda. Nikatuinao, anti karalambinami petoia hangko i ranganda, barapohe molambi apa-apa hangko i Pue Ala.

Roma 14:6

Tauna au mopaioru alo au tepakanoto, iti rababehi bona mobila Pue. Tauna au moande mampopengaa paande, iti raande bona mobilahe Pue, lawi mangulihe ngkaia kamaroana i Pue Ala. Nodo wori tauna au moande peahe paande au tepakanoto. Tauna iti moulahe palianda bona mobilahe Pue, hai manguli worihe ngkaia kamaroana i Pue Ala.

Roma 14:8

I tuwonta ba i matenta, hangangaa mobilake Amputa. Tuwo ba mateke, batena kiranake Pue.

Epesu 5:22

Ikamu towawine, hangangaa mengkorukau i tobalilomi, nodo pengkorumi i Pue.

Kolose 3:17

Apa pea au nibabehi ba au nipololita, hangangaa nibabehi hai nipololita hintoto hai poanti tauna au meula i Pue Yesu. Hai niuli ngkaia kamaroana i Pue Ala Umanta i lalu hangana Pue Yesu.

1 Peturu 1:22

Ide-ide, malelahamokau anti pampeulaimi paturo au tou, ido hai niisami mampokaahi halalumi hampepepoinalai i katou-touana. Mewali kuweikau lolita bona mombepokaahikau hadua hai hadua hangko i lalumi mpuu.

1 Peturu 2:13

Mengkorukau i ope-ope topoparenta au napakanoto manusia, lawi nodomi peundeana Pue Ala. Mengkorukau i datu, lawi iami au tepaiwongko.

1 Peturu 2:15

Hangangaa nibabehi nodo, lawi itimi peundeana Pue bona hangko i kamaroana babehiami, tauna au bara moisa Pue barapohe bai mosalaikau.