Kolose 3:22 - Sura Malelaha

²² Halalu au mewalikau hawi, nipeulai liliu ope-ope hawana ampumi au i dunia ide. Ineekau mampeulai hawanda i lindonda pea, anti kamampeinaomi ratoia. Agaiana hangangaa mengkorukau i hawanda hangko i kabulana lalumi, lawi mengkorukau i Pue.

Kolose 3:22 Mawu Ofanana

Matiu 6:22

“Matami iami hulona watami, lawi ane maroa matami, manoto petotokimi.

Matiu 8:9

Kuisa Oio au makuasa mobabehi iti, lawi ide iko, ara wori au i wongkoku, hai ara worihe au kupohawaa. Ane rapana kupohawaa hadua surodado, kuuliangaa, ‘Laoko!’ hangangaa lao. Ane kukakio surodado au ntanina, ‘Maiko!’ hangangaa mai. Ane kuuliangaa hawingku, ‘Babehi iti!’ hangangaa nababehi. Nodo wori Oio Tua, apa au Nuuli inde, itimi au ina mewali i soungku.”

Lukasi 6:46

“Moapa hai nikakioNa Pue, agaiana bara nipeulai hawaNgku?

Lukasi 7:8

Kuisa Oio au makuasa mobabehi nodo, lawi ide iko, ara wori au i wongkoku, hai ara worihe au kupohawaa. Ane rapana kupohawaa hadua surodado kuuliangaa: ‘Laoko!’ hangangaa lao. Ane kukakio surodado au ntanina: ‘Maiko!’ hangangaa mai. Ane kuuliangaa hawingku: ‘Babehi iti!’ hangangaa nababehi. Nodo wori Oio Tua, apa au Nuuli inde, itimi au ina mewali i soungku.”

Suro 2:46

Alo-alona teruhuhe i Souna Pue Ala. Mokira-kirahe roti anti pokatuinaonda Pue Yesu, hai maande sambelahe i sounda i lalu katana-tana moula kabulana lalunda.

2 Korintu 7:1

Halalu-halalu au kupokaahi, anti kanaweinta Pue Ala dandiNa iti, ido hai hangangaa takabaha hinangkana au moantike i babehia au kadake, maroa au i watanta ba i lalunta. Hangangaa mampeulai mpuuke peundeana Pue Ala, hai hangangaa langake mobabehi apa pea au bara moula peundeaNa.

Galatia 1:10

Mewali halalu! Ba nipehangu mampopetoiana i manusia anti pololitangku inona? Bara, agaiana mampeinao peana molambi petoia hangko i Pue Ala. Ba niuli node: “Paulu mampeinao pea mopamatana laluna manusia?” Bara kuunde mopamatana laluna manusia, lawi ide iko, hawinana Kerisitu.

Kolose 3:20

Ikamu anangkoi, hangangaa mengkorukau i tosaemi i lalu paka-pakana, lawi itimi peundeana Pue Ala.

1 Tesalonika 2:4

Bara woringkai mololita bona mopamatana peangkai lalunda tauna, agaiana mopahawengkai apa au mopamatana laluna Pue Ala, lawi Ia au moparesa lalungki hai Napoinalaimongkai mopahawe Ngkora Marasa.

Pilemo 1:16

Hai Onesimus iti, ineemi nuimba hawimu lawi melumbu tuwona hangko i kahawina. Ide-ide hangangaa nuimbami halalumu hampepepoinalai au nupokaahi. Ane iko maahina iria, apa mani oio. Hangangaa nupokaahi lawi ia hangka manusiamu hai halalumu i lalu Pue Yesu.