Kolose 3:11 - Sura Malelaha

¹¹ Mewali, anti kaNapopewalintami manusia au wou, barapi ara pontaniana to Yahudi hai au barahe to Yahudi, lawi i peitana Pue Ala, tauna au ratile hai au bara ratile himbela pea. Ia bara mampopontani tauna au mosikola hai au bara mosikola, tuana ba hawi. Kerisitu iami au tepaioru. Ia au tuwo i lalunta ope-ope.

Kolose 3:11 Mawu Ofanana

Yohane 14:23

Nauli Yesu, “Tauna au mampokaahiNa mampeulaihe lolitaNgku. Ihirami au napokaahi UmaNgku. UmaNgku hai Iko ina mai i tauna iti hai maidaNgkai irihira.

Yohane 15:5

Ikomi patoa anggoro, hai ikamumi pengana. Tauna au mohintuwu liliu hai Iko, hai Iko mohintuwu hai ihira, rumihi powuanda. Agaiana ane megaakikau hangko Iriko, barakau peisa mobabehi apa-apa.

Yohane 17:23

Iko mohintuwu hai ihira, hai Oio mohintuwu hai Iko bona ihira ina mewali mpuuhe hampepekiri. Ane nodo, ope-ope tauna ina moisa kaOiona au motuduna hai kaNupokaahinda tauna au mepoinalai Iriko nodo kaNupokaahiNgku.

Suro 15:17

bona ope-ope tauna ntanina au barahe to Yahudi peisa worihe menomba Iriko, lawi Kukakiomohe mewali taunaNgku.’

Suro 28:2

Maroa mpuu lalunda ampu boea irikami. Radoko maroangkai, rapatuwoangkai api kipamindui, lawi mepongkami keuda hai makuli.

Suro 28:4

Karaitana ampu boea ile iti mengkalitoe i taiena Paulu, raulimi, “Manoto tauna iti topepapate! Peita, nauri bara molambi rugi i tahi, agaiana Anitu Topebotusi bara mampogiangaa tuwo!”

Roma 1:14

Moinda mpuuna kuhadi i ope-ope tauna, maroa to Yunani ba au barahe to Yunani, maroa au mosikolahe ba au barahe mosikola.

Roma 10:12

Ngkora iti batena kanahe ope-ope tauna, lawi bara ara posisalana to Yahudi hai tauna ntanina. Hadua pea Ampunda ope-ope tauna iami Pue Ala, hai mahile ahiNa i ope-ope tauna au meraroa Iria.

Roma 3:22

Pue Ala mopamanotoke i peitaNa ane mepoinalaike i Yesu Kerisitu. Iti Nababehi i ope-ope tauna au mepoinalai, barake Napopontani-ntani.

Roma 3:29

Hai bara pea to Yahudi au napokaahi Pue Ala, agaiana mampokaahi worihe tauna au bara to Yahudi.

1 Korintu 12:13

Nodo wori ikita. Ikita ope-ope mewali nodo hambua wata, lawi rariuke ope-ope hai Inao Malelaha au hadua pea. Ikita ope-ope molambi Inao Malelaha au himbela, maroa to Yahudi ba au bara to Yahudi, maroa au hawi tuwonda ba au bara hawi.

1 Korintu 14:11

Agaiana ane arahe tauna au mololita irikita i lalu basa au bara mani taisa, ina tapowuli apa au rahowara. Nodo wori ane ikita mololita i lalu basa au bara raisa, ina rapowuli apa au tahowara.

1 Korintu 7:19

Lawi i peitana Pue, ane ratile ba barake ratile, himbela pea. Au paraluu ntepuu, tapeulaimi hawana Pue Ala.

Galatia 2:20

Hai ide-ide barapona tuwo moula peundeaku haduduangku, agaiana Kerisitumi au tuwo i lalu katuwongku. Mewali, tangangku mani tuwo i dunia ide, batengku mepoinalai i Anana Pue Ala au mampokakaiana hai au mokira wataNa rapapate bona mewalina manoto i peitana Pue Ala.

Galatia 5:6

Ane mohintuwuke hai Kerisitu Yesu, bara ara bunduna ratileke ba barake ratile; batena pea mepoinalaike i Yesu. Hai ane maahike i ranganta, pepoinalainta iti ina tongawa.

Epesu 1:23

Ikita au mepoinalai Iria, mewalimoke Watana Kerisitu. Iami au mampobago hinangkana bona ope-ope mewali moula tunggaiaNa.

Epesu 2:14

Lawi Kerisitu au mopahintuwuke, to Yahudi hai au bara to Yahudi. Anti kapateNa, Nakabahamoke hangko i atura agama Yahudi hai parentana. Iti Nababehi bona mopatuna posisala au mampopontani to Yahudi hai tauna au barahe to Yahudi. Hangkoia atura agama Yahudi iti mewali nodo wala au mampopogaake. Agaiana ide-ide, ikami to Yahudi hai ikamu au bara to Yahudi, Napahintuwumoke Kerisitu. Napahintuwumoke bona Napopewalike manusia wou au mohintuwu hai Ia. Nodomi rarana Ia mopaara pohintuwu.

Epesu 3:17

Kuharunga anti pepoinalaimi, Kerisitu ina maida i lalumi. Mekakaena bona nodo tuda-tuda ina mouakakau, hai moarokau tuwomi i ahiNa.

Epesu 3:6

Tunggaia iti iami: tauna au barahe to Yahudi molambi worihe pewatina Pue Ala hihimbela hai to Yahudi. Napopewalimohe Pue Ala hawata-wata hai to Yahudi bona molambi worihe apa au nadandi Pue Ala i ope-ope anaNa. Iti ralambi anti pohintuwunda hai Kerisitu Yesu, lawi mopoinalaihe Ngkora Marasa.

Epesu 6:8

Bona niisa: ope-ope tauna, maroa hawi ba au bara hawi ane mobabehi apa au maroa batena molambihe saronda hangko i Pue.

Kolose 2:10

Mewali, ane mohintuwumokau hai Kerisitu, barapi ara kamakurami, lawi ope-ope au ara i Kerisitu ara wori irikamu, hai Ia au meliu kuasaNa hangko i ope-ope au makuasa hai au moparenta.

1 Yohane 5:20

Taisa worimi: Anana Pue Ala hawemi i dunia, hai Ia au moweike kanoto lalu bona moisake Pue Ala au tou. Mohintuwumoke hai Pue Ala au tou anti pohintuwuta hai Yesu Kerisitu AnaNa. Iami Pue Ala au tou. Hangko Iria molambimoke katuwo maroa au bara mokahopoa.

2 Yohane 1:9

Ope-ope tauna au megaaki hangko i paturo au tou hai barahe moula paturona Kerisitu, tauna iti barahe mohintuwu hai Pue Ala. Agaiana au moula liliu paturona Kerisitu, ihirami au mohintuwu hai Pue Ala Umanta hai Yesu AnaNa.