Kolose 2:8 - Sura Malelaha

⁸ Maroa-roakau bona dati ara tauna au mopawulikau hai mopari-parikau meula i paturo agama au sala hai au bara mobundu. Lawi paturonda iti iami paturo au mesupa pea hangko i pekiri manusia hai rapaturokau moula ada hai atura au mokanai pea dunia ide. Paturonda iti mosisala hai paturo au tou au mampopatoa Kerisitu,

Kolose 2:8 Mawu Ofanana

Matiu 10:17

Mainga-ingakau, lawi ikamu ina rahaka hai raanti lao i tadulako agama. Ina rapopeahi-ahiakau i lalu sou penombaa.

Matiu 16:6

“Maroa-roakau, hai mainga-ingakau i raginda toParisi hai toSaduki!”

Matiu 7:15

“Mainga-ingakau i nabi au mepakanawohe. Ihira hawe i olomi nodohe dimba agaiana katouana nodohe serigala au maseke.

Suro 17:18

I wanua Atena iti, ara worihe tauna mapande au mampeulai paturona Epikuros hai paturona Stoa. Tauna au mapande iti mombehanai hai Paulu. Arahe au manguli, “Mengkamapande mpuu tauna ide ba apa dolou nauli.” Ara worihe au manguli, “Ba ina napahaweake kana i anitu hangko i tampo ntanina.” Nodo lolitanda, lawi i pepaturona, Paulu mepaturo kana i Yesu hai kana i katuwonda hule tauna hangko i kapate.

Suro 17:32

I karahadina lolitana Paulu, arahe au moele-ele, lawi barahe mampoinalai kaarana tauna au peisa tuwo hule. Agaiana, ara worihe au manguli, “Kiunde mampehadingi mbuli lolitamu iti.”

Roma 16:17

Halalu hampepepoinalai, kupopaingaakau bona hangangaa maroa-roakau i tauna au mopaara pogaa-gaa hai au rapeinao mopakanawokau i paturonda au montani hai paturo au rapaturoamokau. Nikaraohihe tauna au nodo!

1 Korintu 10:12

Mewali, ane arakau au manguli: “Marohomi pepoinalaingku i Pue,” hangangaa maroa-roakau bona datikau manawo i lalu dosa!

1 Korintu 8:9

Agaiana hangangaa maroa-roakau halalu. Peisa mpuuke moande paande iti hangko i kabulana lalunta, agaiana inee tapakanawo ranganta au bara mani woia maroho pepoinalaina.

2 Korintu 10:5

Kuasa iti kipake monangi tauna au mampemahilehe hai kapandenda mohomboki hangka ranganda au mampeinao moisa Pue Ala. Anti karoho au kihumba hangko i Pue Ala, kibaliki lalunda tauna iti bona mengkoruhe i Kerisitu.

Galatia 4:3

Nodo wori ikita halalu: hangko damanike moisa Pue Ala, nodoke anangkoi iti, lawi mengkoruke i ada hai hinangka kuasa dunia ide.

Galatia 4:9

Agaiana ide-ide moisamokau Pue Ala. Moleri Pue Alami au ioru moisakau! Mewali, moapari hai moula hulekau ada hai hinangka kuasa dunia ide? Nipeulai ope-ope ada agama to Yahudi, mokadipurakau alo, wula hai pare au rapakanoto i lalu Aturana Musa. Ada hai atura iti bara mopaara pewati, hai barakau ina tekabaha hangko i dosami anti peulami i atura iti. Mewali, moapari hai nipeulai hule ada iti?

Galatia 5:15

Agaiana maroa-roakau ineekau mobungka-bungka hai mombepakoi mpoinao, datikau mombepakarugi.

Epesu 2:2

I tempo iti, babehiami alo-alona moula babehianda tauna au kadake i dunia ide; lempona matundukau i Datu Tokadake au makuasa i laerawa. Kuasa iti duuna ide-ide, mobago liliu i lalunda tauna au barahe mengkoru i Pue Ala.

Epesu 4:20

Agaiana, ikamu, inee nodo babehiami, lawi bara iti au rapaturoakau hangko i Ngkora Marasa kana i Kerisitu.

Epesu 5:6

Mewali, ineekau rapakanawo hai lolitanda tauna au mampeinaohe bona moulakau babehianda au nodo. Lolitanda iti batena bara tou. Lawi hangko i babehia au nodo, Pue Ala ina mohuku tauna au bara mengkoru Iria.

Pilipi 3:2

Mainga-ingakau i tauna au moanti paturo au kadake. Babehianda nodo dike. Tauna iti mopari-pari bona ratilekau moula Aturana Musa, lawi moula paturonda, itimi au mopamanotoke i peitana Pue Ala.

Kolose 2:18

Mewali, ineekau hawe rapakanawo tauna iti. Mengka-mengkahe mengkaiwoi hai menombahe i malaeka. Rauli kapandenda iti hangko i apa au natudungiahe malaeka. Paturonda iti mesuwu hangko i lalunda haduduanda au mokanai pea dunia ide. Ineehe nipogiangaa tauna iti mosalaikau.

Kolose 2:20

Ikita au mepoinalai i Kerisitu himbela pea matemoke hai Kerisitu, lawi anti pohintuwuta hai Ia, tekabahamoke hangko i ada hai atura-atura iti. Barapoke mampeulai ada hai atura iti bona mewalike manoto i peitana Pue Ala. Mewali, ane matemoke hihimbela hai Kerisitu, ineemokau mengkoru i atura au ngkaia pakana iti, nodo tauna au bara mani moisa Kerisitu.

Kolose 2:22

Atura au nodo bara moanti katuwo maroa irikita, lawi atura iti kana pea i paande hai anu-anu au peisa ope; hampalai pea rapake. Atura iti mesuwu hangko i hawa hai paturo manusia.

Kolose 2:23

I peitana tauna, atura iti maroa, lawi tauna au moula atura iti, moagamahe, mengkaiwoihe, hai mampopeahi-ahihe watanda moula ada agamanda. Agaiana atura iti bara mobundu, lawi bara peisa motulungi morempeki peundeana lalunta au kadake.

1 Timotiu 6:20

Oio Timotiu, napoinalaiamoko Pue Ala moanti paturo au manoto. Mewali, hangangaa nukingki maroa paturo iti dati ara au mobaliki. Karaohi lolita au bara mobundu hai paturo au bara manoto au rauli kapande agaiana bara tou.

2 Timotiu 3:13

Agaiana tauna au kadake hai au modongko, ina tetambai kakadakena babehianda. Mopakanawohe ranganda hai paturonda au sala, agaiana tepakanawo worihe.

Ibarani 13:9

Mewali ineekau mampeulai paturo wou au mepakanawo hai au mosisala hai pepoinalainta, nodo ada hai palia i paande. Lawi ada iti bara moanti katuwo maroa. Aginami tapakaroho lalunta hangko i kabulana laluna Pue Ala, lawi iti au moanti katuwo maroa irikita.

Ibarani 3:12

Halalu! Maroa-roakau, datikau ara au kadake lalumi. Ineekau nodo toiorumi iti au mopalehi pepoinalainda i Pue Ala au tuwo!

1 Peturu 1:18

Hangangaa mengkorukau i Pue Ala, lawi niisami noumba kanahompokimi Pue Ala. Ia mokabahamokau hangko i tuwomi hangkoia au bara mobundu. Tuwomi iti iami sosorami hangko i toiorumi. Hai i kaNahompokimi Pue Ala iti, bara hai anu-anu au bara mantaha nodo bulawa ba salaka,

2 Peturu 3:17

Agaiana ikamu, halalu au kupokaahi, niisato ope-ope iti. Mewali, mainga-ingakau i guru agama au mepakanawohe, datikau raanti i lalu kamasalanda alana bata-bata lalumi kana i apa au nipoinalaimi.

2 Yohane 1:8

Ido hai hangangaa mainga-ingakau, lawi ane nikabaha pepoinalaimi i Pue Yesu, bara ara bunduna pobagongki mobambari Ngkora Marasa irikamu. Hangangaa mepoinalai liliukau i Pue bona i alo pebotusi ina nihumba hinangka hurungina pepoinalaimi.