Kolose 2:10 - Sura Malelaha

¹⁰ Mewali, ane mohintuwumokau hai Kerisitu, barapi ara kamakurami, lawi ope-ope au ara i Kerisitu ara wori irikamu, hai Ia au meliu kuasaNa hangko i ope-ope au makuasa hai au moparenta.

Kolose 2:10 Mawu Ofanana

Matiu 28:18

Yesu mohungkuki topeguruNa, Nauliangaahe, “Ope-ope kuasa i suruga hai i dunia rahuhuamoNa.

Yohane 1:16

Bara mokahopoa ahiNa, hai hangko i ahiNa iti, Ia mowatike ope-ope. Pewati au tahumba hangko Iria bara botu-botu.

1 Korintu 15:24

Roo nodo, hawemi kahopoa dunia, i tempo iti, Kerisitu ina monangi ope-ope topoparenta, ope-ope tadulako, hai ope-ope au makuasa. Hai kahopoana, Nahuhumi kadatuaNa i Pue Ala Umanta.

Epesu 3:10

Tunggaiana Pue Ala iami bona ide-ide melempo i pohintuwunda tauna au mepoinalai Iria, maroa to Yahudi ba au bara to Yahudi, ope-ope topoparenta hai ope-ope au makuasa i suruga ina moisa kamatopana Pue Ala mampobago hinangka tunggaiaNa.

Kolose 2:15

I kapatena Kerisitu i kau mombehape, Pue Ala monangimi ope-ope tokadake hai ope-ope au makuasa bona kaNananginda tongawa i humalele dunia.

Kolose 3:11

Mewali, anti kaNapopewalintami manusia au wou, barapi ara pontaniana to Yahudi hai au barahe to Yahudi, lawi i peitana Pue Ala, tauna au ratile hai au bara ratile himbela pea. Ia bara mampopontani tauna au mosikola hai au bara mosikola, tuana ba hawi. Kerisitu iami au tepaioru. Ia au tuwo i lalunta ope-ope.

Ibarani 5:9

Hai anti pengkoruNa, Yesu mewali Topehompo au bara ara kamakuraNa, hai Ia mowei ope-ope tauna au mengkoru Iria katuwo maroa au bara mokahopoa.

1 Peturu 3:22

Hai i karapatuwoNa hule, Yesu mengkaoremi lao i suruga, mohuda ntanda i koanana Pue Ala. Ope-ope malaeka hai au makuasa hai au moparenta, rapopengkoru hahahe Iria.