Kolose 1:6 - Sura Malelaha

⁶ Ngkora Marasa iti, tebambarimi i humalele dunia alana kabosa-bosaa tauna au mepoinalai i Pue Yesu hai mobabehi apa au maroa. Himbela hai au mewali irikamu, halalu. I kamohadimi Ngkora Marasa iti, liliumokau mepoinalai i Pue Yesu, alana moisa ntepuukau kabulana laluna Pue Ala irikita.

Kolose 1:6 Mawu Ofanana

Matiu 24:14

Hai Ngkora Marasa kana i poparentana Pue Ala batena rabambari i humalele dunia bona rahadi ope-ope tauna, hangko haweri kahopoa dunia.”

Matiu 28:19

Mewali, laomokau i humalele dunia, nipopewalihe ope-ope tauna topeulaNgku, niriuhe i lalu hangana Uma hai Ana hai Inao Malelaha

Markus 16:15

Nauliangaahe Yesu, “Laomokau i humalele dunia, mopahawe Ngkora Marasa i ope-ope tauna.

Markus 4:8

Ara wori tinuda au manawo i tampo au marudu. Tinuda iti tuwo maroa hai kamahile-hilea, alana mowua. Ara au talu pulona belana hangko i tinudana, ara au ini pulona belana, ara wori au hangatu belana hangko i tinudana.”

Yohane 15:16

Bara ikamu au mopileiNa. Ikori au mopileikau. Kutudukau mowua; hai wua pobagomi iti bara ina matanta, ina mobundu hawe i hae-haena. Mewali, apa au niperapi i UmaNgku i lalu hangaNgku, batena Naweikau.

Yohane 17:19

Uma, Kuhuhumi tuwoNgku au malelaha Irio bona mobundu irihira, hai ane rapeulaiNa i katou-touana, mewalihe kiraMu au malelaha.

Yohane 4:23

Agaiana ina hawe tempona, hai katouana hawemi tempo iti, i lalu peninina Inao Malelaha ina moisa mpuuhe hema Pue Ala i katou-touana, hai ina menombahe Iria, moula rara mpenomba au naunde Pue Ala Umanta.

Suro 11:18

Karahadina lolitana, barapohe mosalai Peturu. Hai motoiamohe Pue Ala, rauli, “Ide-ide tongawami irikami, Pue Ala modoko worihe tauna au barahe to Yahudi, hai Naweihe katepaka menoso hangko i dosanda duunda molambi katuwo maroa au bara mokahopoa.”

Suro 12:24

I tempo iti, tetambaimi tauna au mohadi Ngkorana Pue, hai tetambai worimi kabosanda au mepoinalai i Yesu.

Suro 16:14

I olonda towawine iti, ara hadua au rahanga Lidia hangko i wanua Tiatira. Ia, topobalu-balu bana maroa au masuli holona, hai au menomba wori i Pue Ala. Pue Ala mopakanoto laluna, alana modoko apa au napaturoahe Paulu.

Suro 26:18

Idemi tunggaiaKu motuduko lao irihira bona tebungkahi matanda, hai mopalehihe kamakaindi lao i kamabaana, hai tekabahahe hangko i kuasana Datu Tokadake hai mepoinalaihe i Pue Ala. Mewali, anti pepoinalainda Iriko, teampungimi dosanda, hai mewalimohe taunana Pue Ala.’ ”

Roma 1:13

Halalu bona niisa bosami belana ara tunggaiaku lao mosondakikau, agaiana ara liliu au mohombokina. Tunggaiaku mosondakikau bona pobagongku ara wori wuana i olomi, nodo pobagongku au arami wuana i olonda tauna au barahe to Yahudi au arahe i wanua ntanina.

Roma 15:19

hai anti tanda-tanda kuasa au kubabehi hai kuasana Inao Malelaha. Hangko i wanua Yerusale hawe i tampo Ilirikum, kupahawemi Ngkora Marasa i ope-ope tauna, kupaturoahe kahemana Kerisitu.

Roma 15:28

Mewali, laomona hampai i Yerusale moanti doi petulungi au tegulumi. Roorai indo, hangko laorina i tampo Spanyol moliuna i boeami.

Roma 16:26

Agaiana ide-ide Pue Ala motudungiake tunggaiaNa i sura au rauki nabi-nabi hangkoia hai au rapahawe i ope-ope tauna moula parentana Pue Ala bona ope-ope tauna peisa mepoinalai hai mengkoru Iria. Iami Pue Ala au tuwo hawe i hae-haena,

2 Korintu 10:14

Mewali, ane mopatongawangkai kuasangki irikamu, barangkai moliungi apa au hintoto. Ane rapana barangkai hawe i boeami mobambari Ngkora Marasa, kebara ara kuasangki mopaturokau. Agaiana ara kuasangki, lawi ikami au nguru-nguruna mobambari Ngkora Marasa irikamu.

2 Korintu 6:1

Mewali, ikami ide, hampopobagongkai mopahawe NgkoraNa Pue Ala i tauna. Ido hai kiperapi mpuu halalu bona inee nikakahakei kamaroana laluna Pue Ala au nidokomi.

Epesu 3:2

Manoto nihadimi noumba kanaweingku Pue Ala bago ide bona moantina Ngkora Marasa kana i kamaahina Pue Ala irikamu au barakau to Yahudi.

Epesu 4:21

Ane nihadi mpuumi kana Iria, hai rapaturoamokau paturo au tou moula kamanotoNa,

Epesu 4:23

Ido hai hangangaa merapikau bona Pue Ala mowouki lalumi hai pekirimi.

Epesu 5:9

Lawi hangko i kamabaana lalumi, mesupa ope-ope babehia au maroa, au tou hai au manoto.

Pilipi 1:11

Mekakaena bona nibabehi liliu apa au manoto anti pobagona Yesu Kerisitu i lalu katuwomi, alana bosa tauna motoia hai mampomahile Pue Ala.

Pilipi 4:17

Kuuli nodo, bara anti kamampeinaongku mbuli molambi kabula lalumi. Agaiana peundeaku bona hangko i kamaroana lalumi, katetetambaia pewatina Pue Ala irikamu.

Kolose 1:10

bona babehiami ina hintoto hai tauna au moula peundeana Pue, hai bona ope-ope babehiami ina mopamatana laluNa. Ane nodo katuwomi, ina mobabehikau hinangka bago au maroa, hai ina katetetambaia poisami Pue Ala i lalu katuwomi.

Kolose 1:23

ane mepoinalai liliukau, mantahakau, hai barakau mampogiangaa tauna mopakanawokau. Mewali halalu, hangangaa nipakaroho peulami i paturo au nihadimi. Ineekau mokabaha peharungami i apa au nadandiamokau Pue Ala i lalu Ngkora Marasa. Ngkora Marasa iti rabambarimi i humalele dunia. Hai iko wori, mewalina hawina Pue au mopahawe Ngkora Marasa iti.

1 Tesalonika 1:5

Kiisa iti, lawi i tempoki mopahawe Ngkora Marasa irikamu bara pea lolitangki haduduangki, agaiana Inao Malelaha au moweingkai kuasa mololita. Hai kipoinalai mpuu katouna Ngkora Marasa iti. Niisa noumba babehiangki i tempoki mani hihimbela hai ikamu. Babehiangki mopakanoto irikamu katouna bambari au kianti.

1 Tesalonika 2:13

Ara mani hampaka au morua lalungki manguli ngkaia kamaroana i Pue Ala, iami Ngkorana Pue au nihadi hangko irikami, bara nidoko nodo lolita au hangko i manusia pea. Agaiana nidoko hai nipoinalai bambari iti, ami hangko i Pue Ala. Hai ide-ide, Ngkorana Pue Ala iti mokale liliu i lalumi, lawi mepoinalaimokau i Pue Yesu.

2 Tesalonika 2:13

Halalu-halalu au napokaahi Pue, hintoto mpuungkai manguli liliu ngkaia kamaroana i Pue Ala anti kaikamuna. Lawi Pue Ala mopileikau hangko i nguru-nguruna bona tehoremakau hangko i huku dosami anti pepoinalaimi i bambari au tou. Napileimokau bona Nahoremakau anti kuasana Inao Malelaha au mampopewalikau taunana Pue Ala au malelaha.

1 Peturu 5:12

Surangku au sosoe ide kuuki hai petulungina Silwanus, halalunta hampepepoinalai i Pue Yesu, hai kuisa ia ina mantaha liliu i lalu pepoinalaina. Inona kupahaweakau i kanoto-notoana noumba kamahilena ahina Pue Ala irikita bona maroho lalumi. Hangangaa tetida liliukau i kamaahiNa iti.