Kolose 1:19 - Sura Malelaha

¹⁹ Ope-ope ide mampololita kana i Kerisitu, lawi Pue Ala mopakanoto bona ope-ope au ara Iria ara wori i AnaNa.

Kolose 1:19 Mawu Ofanana

Lukasi 10:21

I tempo iti, matanami Yesu i lalu Inao Malelaha, hai hangko i kamatanana laluNa, Nauli, “O Uma, Ampu langi hai tampo! KutoiaKo, lawi ope-ope au tewuniangi hangkoia Nupopaisaamohe tauna au i woi tuwonda, agaiana Nuwuniangiahe tauna au mapangka posikolanda hai tauna au mapande. Lawi nodomi peundeaMu, Uma.”

Yohane 1:16

Bara mokahopoa ahiNa, hai hangko i ahiNa iti, Ia mowatike ope-ope. Pewati au tahumba hangko Iria bara botu-botu.

Yohane 3:34

Lawi Iami au natudu Pue Ala mohowara NgkoraNa, hai Pue Ala mowei Inao Malelaha Iria au bara ara hokana.

1 Korintu 1:21

Lawi hangko i kapande manusia, barake peisa moisa Pue Ala. Anti kamapandena Pue Ala, Nabotusimi bona hema pea au mepoinalai i Ngkora Marasa au kipahawe, tauna iti ina Nahoremahe hangko i dosanda. Agaiana ane kipahawe Ngkora Marasa, tauna au bara mepoinalai manguli, “Iti lolita tontuli.”

Epesu 1:23

Ikita au mepoinalai Iria, mewalimoke Watana Kerisitu. Iami au mampobago hinangkana bona ope-ope mewali moula tunggaiaNa.

Epesu 1:3

Tatoiami Pue Ala, Umana Amputa Yesu Kerisitu, au mowatike hai hinangka pewati au maroa hangko i suruga, anti pohintuwuta hai Kerisitu.

Epesu 1:5

Anti kamaahina laluNa irikita, Napakanoto amimi kaNaangkata mewali anaNa. Naangkamoke mewali anaNa anti kanahoremanta Yesu Kerisitu, lawi itimi au Natunggai hai au Napokatana.

Epesu 4:10

Hai Ia au mendaulumi iti, Ia wori au mengkaore hule duuna molambi pohudaa au meliu kapangkana hangko i ope-ope au i langi bona Ia mopabukei hinangkana.

Kolose 2:3

Lawi Kerisitumi au mopakanoto lalunta bona moisake ope-ope tunggaiana Pue Ala irikita.

Kolose 2:9

lawi i Kerisitu au mewalimi manusia tahumba ope-ope kuasana hai poantina Pue Ala au bara ara kamakurana.

Kolose 3:11

Mewali, anti kaNapopewalintami manusia au wou, barapi ara pontaniana to Yahudi hai au barahe to Yahudi, lawi i peitana Pue Ala, tauna au ratile hai au bara ratile himbela pea. Ia bara mampopontani tauna au mosikola hai au bara mosikola, tuana ba hawi. Kerisitu iami au tepaioru. Ia au tuwo i lalunta ope-ope.