Ibarani 9:11 - Sura Malelaha

¹¹ Agaiana ide-ide, hawemi Kerisitu mewali Tadulako Mpenomba Mahile au moanti katuwo maroa au tahumba ide-ide. Ia mesua i lalu Bambaru Malelaha i suruga au meliu kamaroana hai au meliu kamalelahana hangko i Bambaru Malelaha au naaro Musa hangkoia. Lawi sou penombaa au napesuangi Kerisitu, bara rababehi tauna; lempona bara hangko i dunia ide.

Ibarani 9:11 Mawu Ofanana

Matiu 11:3

“Ba Oio mpuumi Datu Topehompo au nadandi Pue Ala? Ba ara mani au ntanina kipegia?” Lao mpuumohe topeguruna Yohane mopahawe pampekunena iti i Yesu.

Matiu 2:6

‘Boea Beteleme i tampo Yudea, barako boea au tepakokoi. Ina mahile hangamu hangko i ope-ope boea i tampo Yudea. Lawi hangko irio ina mesupa hadua Tadulako Mahile; batena Ia au motadulakoi taunaNgku to Isaraeli.’ ”

Markus 14:58

“Tauna ide, kihadi manguli node: ‘Ina kugero Souna Pue Ala au naaro manusia, hai i lalu talu alona ina kuaro hule au ntanina, au bara nababehi manusia.’ ”

Yohane 1:14

Ngkora iti mewali manusia, hai maida i olonta i dunia ide. Hai ikami, kiitami kamahilena kuasaNa. KuasaNa iti Nalambi hangko i UmaNa, lawi iami AnaNa HaduduaNa. LolitaNa tou mpuu, hai tongawa ope-ope kabulaNa laluNa irikita.

Yohane 4:25

Nauli towawine iti, “Au kuisa, ina hawe Datu Topehompo, au rauli wori Kerisitu. Ane hawe, Iami au ina mampopaisa irikami hinangkana au ara.”

Suro 7:48

Halalu-halalu, Pue Alami au melumbu kuasaNa hangko i ope-ope au rapenombai. Ia bara maida i sou au nababehi manusia. Lawi i lalu surana nabi hangkoia, au teuki node:

2 Korintu 4:18

Mewali, barangkai mampekiri apa au taita agaiana mampekiringkai apa au bara mani taita. Lawi au taita, hampalai pea, agaiana au bara mani taita, itiri au mantaha liliu hawe i hae-haena.

2 Korintu 5:1

Lawi taisa, ane bambaruta i dunia ide ragero, Pue Ala ina mopasilolonga haogu sou i suruga au tapaidai, hambua paidaa au bara mokahopoa, au bara nababehi tauna.

Kolose 2:11

Anti pohintuwumimi hai Kerisitu, himbela pea ratilemokau. Karatilemi iti, bara petile au napobago manusia, agaiana petile au napobago Kerisitu i lalumi. Lempona, Nakabahamokau hangko i kuasa dosa.

Ibarani 10:1

Aturana Pue Ala au napahawe Musa mewali pandiri irikita kana i apa au ina mai. Hangko i Atura iti, bara mani taisa katuwo maroa au tahumba hangko i Kerisitu. Taita mewao-wao pea, bara lenggena ntepuu. Moula Aturana Musa iti, pare-parena tauna au mampeinao mohungkuki Pue Ala hangangaa moanti liliu popenombanda au himbela. Agaiana barahe peisa mewali manoto i peitana Pue Ala anti poantinda popenombanda.

Ibarani 12:27

NgkoraNa au manguli “hambela mani”, lempona Pue Ala ina mampopoenggo hai mogero dunia au Napopewali ide, lawi dunia ide bara mantaha hawe i hae-haena. Mewali, i alo au ina mai, Pue Ala ina mogero hinangkana bona apa au bara peisa moenggo, iti pearai au tetida.

Ibarani 13:14

Lawi i lalu dunia ide, bara ara paidaa roonta; Mohaokike paidaa au ina mai.

Ibarani 2:17

Ido hai Yesu hangangaa mewali manusia au himbela hai ikita halaluNa i paka-pakana bona Ia mewali Tadulako Mpenomba Mahile. Hai i lalu pampopolumaona bagoNa i Pue Ala, Ia matundu hai maahi laluNa. Hai i lalu pobagoNa iti, Ia mopaara kateampunginda manusia.

Ibarani 3:1

Halalu-halalu au mewali taunana Pue Ala au Nakakio mesua i suruga, nipailalu kahemana Yesu. Ia tuduana Pue Ala hai Tadulako Mpenomba Mahile au tapoinalai.

Ibarani 4:15

Lawi Tadulako Mpenomba Mahilenta iti moisa kamaledenta. Naisa ntepuu, lawi Ia rakelo worimi i hinangkana nodo ikita, agaiana Ia bara madosa.

Ibarani 7:1

Melkisedek iti, iami datu i wanua Salem hangkoia hai ia wori hadua tadulako mpenomba au mampopolumao bago mpenomba i Pue Ala au makuasa i hinangkana. I pesulena Burahima hangko i pombealaa monangi bahangkia datu, Melkisedek mai mampohidupaa hai mowati Burahima.

1 Yohane 5:20

Taisa worimi: Anana Pue Ala hawemi i dunia, hai Ia au moweike kanoto lalu bona moisake Pue Ala au tou. Mohintuwumoke hai Pue Ala au tou anti pohintuwuta hai Yesu Kerisitu AnaNa. Iami Pue Ala au tou. Hangko Iria molambimoke katuwo maroa au bara mokahopoa.

2 Yohane 1:7

I humalele dunia ara bosa topeakalangi au moanti paturo au mepakanawo. Ihira iti tauna au barahe mampoinalai katouna Yesu Datu Topehompo au maimi mewali manusia. Tauna au nodo, topodongkohe hai mampoiwalihe Kerisitu.