Ibarani 8:8 - Sura Malelaha

⁸ Agaiana Pue Ala molambi kamanawonda taunaNa, hai Nauliangaahe node: “Pehadingi! Hambela tempo ina mopaarana podandi au wou i to Yahudi, maroa au maida i tampo Isaraeli, maroa au maida i tampo Yehuda.

Ibarani 8:8 Mawu Ofanana

Matiu 26:28

Lawi idemi waheNgku au tebumbuha i kapateNgku. WaheNgku ide mopakaroho dandina Pue Ala au mopahintuwu Pue Ala hai manusia bona teampungi dosanda.

Markus 14:24

hai Nauliangaahe, “Anggoro ide kamba waheNgku au mabubu i kapateNgku mohuru salanda tauna bosa. WaheNgku iti morohongi dandina Pue Ala au mopahintuwu Pue Ala hai manusia.

Lukasi 17:22

Roo indo, nauli Yesu i topeguruNa, “Hambela tempo, ina nipeinao mpuuNa niita, agaiana baraNa ina niita.

Lukasi 22:20

Nodo wori, karoonda maande, Nahuhuamohe paenua anggoro, Nauliangaahe, “Paenua anggoro ide, lempona dandina Pue Ala au wou, au mopahintuwu Pue Ala hai manusia. Dandi ide Napakaroho hai waheNgku au tebumbuha i kapateNgku.

Lukasi 5:38

Mewali anggoro au wou hangangaa rakando wori i pambolia au wou.

1 Korintu 11:25

Nodo wori, karoonda maande, Nahuhuamohe paenua anggoro, Nauliangaahe, “Anggoro au ara i paenua ide, lempona dandina Pue Ala au wou au mopahintuwu Pue Ala hai manusia. Dandi ide Napakaroho hai waheNgku au mabubu i kapateNgku. Bela-belana nienu, nibabehi mewali pekatuinaomi Iriko.”

2 Korintu 3:6

Ia moweingkai kapande mewali topobagoNa au mopaguru tauna i dandiNa au wou. Barahe kipaguru bona mampeulaihe atura-atura au teuki bona mewalihe manoto i peitana Pue Ala. Agaiana kipaguruhe bona molambihe katuwo au wou hangko i Inao Malelaha. Lawi ane mampeinaoke mewali manoto i peitana Pue Ala i kamampeulainta atura au teuki, ina molambike kapate, lawi bara buke katapeulaina. Agaiana ane meulake i Pue Ala anti kuasana Inao Malelaha, molambike katuwo maroa au bara mokahopoa.

Ibarani 12:24

Hawemokau i Yesu, au mewali nente, au mopakaroho dandina Pue Ala au wou au mopahintuwu manusia hai Pue Ala. I tempona Yesu rapapate, mabubumi waheNa. Hai waheNa iti masuli hangko i wahena Habeli hangkoia.

Ibarani 7:22

Podandi iti meliu kamaroana, lawi napahawemi Pue Ala hai sumpa, hai Yesu mopakarohomi podandi iti au mopahintuwuke hai Pue Ala.

Ibarani 8:13

Mewali, i lalu ngkora inona, Pue Ala mampololita kana i podandi au wou, hai moula lolitaNa, podandi au nguru-nguruna hangangaa rapahuru lawi haemi. Mewali, podandi au hae iti barapi mobundu, batena ratende hai rapahuru hai podandi au wou.

Ibarani 8:6

Agaiana pobagona Pue Yesu meliu kamaroana hangko i pobagonda tadulako mpenomba i dunia ide, lawi Yesu mewali nente au mopahawemi podandina Pue Ala au wou, au melumbu kamaroana hangko i podandi au napahawemi Musa. Hai hangko i podandi au wou iti, molambike dandina Pue Ala au meruu kamaroana.

Ibarani 9:15

Anti popenombaNa au bara ara kamakuraNa, Kerisitu mewali Nente au mopahawe podandi au wou, au mopahintuwu manusia hai Pue Ala. Iti Nababehi bona ope-ope tauna au nakakio Pue Ala molambi pewati au bara mokahopoa moula apa au nadandiahe Pue Ala i anaNa. Lawi i tempona mani ara podandi au nguru-nguruna au napahawe Musa, manusia moliungi Aturana Pue Ala. Ido hai Kerisitu mate mohompo peliunginda iti.