Ibarani 8:3 - Sura Malelaha

³ Ope-ope Tadulako Mpenomba Mahile raangka bona mohuhu binata hai popenomba ntanina i Pue Ala. Nodo wori, Yesu Tadulako Mpenomba Mahilenta hangangaa mohuhu popenombaNa i Pue Ala, iami wataNa haduduaNa.

Ibarani 8:3 Mawu Ofanana

Yohane 6:51

Ikomi paande au mendaulu mai hangko i suruga, paande au mepatuwo! Tauna au moande paande ide molambihe katuwo au bara mokahopoa. Paande au mepatuwo ide, lempona wataNgku au Kukira bona manusia molambi katuwo.”

Roma 4:25

Yesu itimi au mokira wataNa rapapate mohuru salanta. Hai roo indo, Pue Ala mopatuwo hule Yesu bona mewalike manoto i peitaNa.

Roma 5:6

Nodemi ahina Pue Ala irikita: i tempo au napakanoto Pue Ala, hangko damani ara rohonta mokaraohi dosanta, i tempo iti Kerisitu mate mopahuruke nauri bara manike mengkoru i Pue Ala.

Roma 5:8

Agaiana ahina Pue Ala bara nodo. Pue Ala bara mampegia pengkaroonta mobabehi dosa hangko Natudungiarike ahiNa. Lawi Kerisitu mate mopahuruke tangantato madosa.

Galatia 2:20

Hai ide-ide barapona tuwo moula peundeaku haduduangku, agaiana Kerisitumi au tuwo i lalu katuwongku. Mewali, tangangku mani tuwo i dunia ide, batengku mepoinalai i Anana Pue Ala au mampokakaiana hai au mokira wataNa rapapate bona mewalina manoto i peitana Pue Ala.

Epesu 5:2

I babehianta alo-alona, hangangaa maahike i ranganta, nodo Kerisitu maahimi Irikita. Anti kamaahiNa irikita, Ia mokira wataNa rapapate mopahuruke. Babehia iti mopakatana laluna Pue Ala, nodo popenomba mawongi au rahuhu Iria.

Titu 2:14

Yesu mokirami wataNa rapapate mohuru dosanta bona Nakabahake hangko i ope-ope babehianta au kadake, hai Napopewalike taunaNa au malelaha hai au madota mobabehi au maroa.

Ibarani 2:17

Ido hai Yesu hangangaa mewali manusia au himbela hai ikita halaluNa i paka-pakana bona Ia mewali Tadulako Mpenomba Mahile. Hai i lalu pampopolumaona bagoNa i Pue Ala, Ia matundu hai maahi laluNa. Hai i lalu pobagoNa iti, Ia mopaara kateampunginda manusia.

Ibarani 3:1

Halalu-halalu au mewali taunana Pue Ala au Nakakio mesua i suruga, nipailalu kahemana Yesu. Ia tuduana Pue Ala hai Tadulako Mpenomba Mahile au tapoinalai.

Ibarani 5:1

Ope-ope Tadulako Mpenomba Mahile rapilei hangko i tauna biasa, hai raangka mampopolumao bagona Pue Ala. Tadulako mpenomba mahile iami hadua tadulako agama au lao i lindona Pue Ala moanti kara-karanda tauna bosa. Bagona, mosambale binata mohuru dosanda tauna bosa hai mohuhu popenomba au ntanina i Pue Ala.

Ibarani 7:27

Yesu bara nodo Tadulako Mpenomba Mahile ntanina au hangangaa mohuhuhe popenombanda alo-alona: nguru-nguruna popenomba au mohuru dosanda haduduanda, hai roo indo popenomba au mohuru dosanda tauna bosa. Agaiana Yesu hambela pea mohuhu popenomba i Pue Ala. Iti Nababehi i tempoNa mohuhu wataNa rapapate. PopenombaNa iti Nahuhu hambela pea; barapi ina rahuleki hawe i hae-haena.

Ibarani 8:4

Ane rapana Yesu ara mani i dunia, Ia bara mewali tadulako mpenomba, lawi arahe tadulako mpenomba au mohuhu popenombanda i Pue Ala moula Aturana Musa.

Ibarani 9:14

pelumbunami wahena Kerisitu! Anti kuasana Inao Malelaha au tuwo hawe i hae-haena, Kerisitu mohuhu wataNa i Pue Ala bona rapapate mewali popenomba au bara ara kamakurana. WaheNa iti mobahoi lalunta hangko i hinangka babehianta au moantike i kapate bona peisake menomba i Pue Ala au tuwo.