Ibarani 8:2 - Sura Malelaha

² Ia mampopolumao bago mewali Tadulako Mpenomba Mahile i paidaa malelaha, iami Bambaru Malelaha au naaro Pue, bara au naaro manusia.

Ibarani 8:2 Mawu Ofanana

Lukasi 24:44

Roo indo, mololitami Yesu irihira, Nauli, “Ope-ope au teuki i lalu Sura Aturana Musa, suranda nabi hai i sura Petoia kana i wataNgku hangangaa tepabukei. Ide lolitaNgku au Kupahaweamokau i tempoKu mani hihimbela hai ikamu.”

Roma 15:8

Nipailalu ide: Kerisitu mai i dunia motulungihe to Yahudi bona tepabukei dandina Pue Ala i toiorunda hangkoia, alana tongawa i ope-ope tauna katouna Ngkorana Pue Ala.

2 Korintu 5:1

Lawi taisa, ane bambaruta i dunia ide ragero, Pue Ala ina mopasilolonga haogu sou i suruga au tapaidai, hambua paidaa au bara mokahopoa, au bara nababehi tauna.

Kolose 2:11

Anti pohintuwumimi hai Kerisitu, himbela pea ratilemokau. Karatilemi iti, bara petile au napobago manusia, agaiana petile au napobago Kerisitu i lalumi. Lempona, Nakabahamokau hangko i kuasa dosa.

Ibarani 10:11

Alo-alona ope-ope tadulako mpenomba agama Yahudi mampopolumaohe bagonda, hai mohuhu liliuhe popenomba au himbela, au bara peisa moumpahi dosa.

Ibarani 10:21

Yesumi au mewali Tadulako Mpenomba Mahilenta au mokadipura souna Pue Ala i suruga.

Ibarani 11:10

Lawi Burahima tangana mampegia hambua wanua au maroho pohudaana, au napopewali hai au naaro mpuu Pue Ala.

Ibarani 9:1

I lalu podandina Pue Ala au napahawe Musa i to Yahudi hangkoia, ara ada mpenomba, hai ara wori sou penombaanda au rababehi tauna.

Pampetudungia 21:3

Hai kuhadi hambua wotu hangko i kadera kadatuana Pue Ala i suruga au mowotu masisimbuku, nauli, “Ide-ide paidaana Pue Ala ara hihimbela hai manusia. Pue Ala ina maida hihimbela hai ihira, hai ihira mewali taunaNa. Ia haduduaNa ina mamporangaihe hai mewali Ampunda.