Ibarani 8:10 - Sura Malelaha

¹⁰ Mewali, idemi podandi au ina Kupaara hai to Isaraeli i alo au ina mai: HawaNgku ina Kuwoli i lalu pekirinda hai Kuuki i lalunda. Ina mewalina Pue Ala au rapenombai, hai ihira ina mewalihe taunaNgku.

Ibarani 8:10 Mawu Ofanana

Matiu 22:32

‘Ikomi Pue Ala au rapenombai Burahima, Isaki, hai Yako.’ Lempona, nauri matehe Burahima, Isaki hai Yako, batena tuwohe, lawi tauna au menomba i Pue Ala, batena pea tauna au tuwo.”

Roma 11:27

Itimi dandiKu irihira. Hai i tempo iti, ina Kuampungi dosanda.”

1 Korintu 6:16

Bara pae niisa, hema au mebualosi hai hadua towawine au kadake babehiana mewali hawata-wata hai towawine iti. Lawi i lalu Sura Malelaha teuki node: “Tauna au rodua iti mewalihe hawata-wata.”

2 Korintu 3:3

Nipetudungia i ope-ope tauna wua pobagongki moanti bambari kana i Kerisitu irikamu. Ikamu nodo hambua sura au nauki Kerisitu. Sura iti bara Nauki hai tinta ba i watu poukia. Lawi Kerisitu mouki lolitaNa i lalumi anti kuasana Inaona Pue Ala, au tuwo.

Titu 2:14

Yesu mokirami wataNa rapapate mohuru dosanta bona Nakabahake hangko i ope-ope babehianta au kadake, hai Napopewalike taunaNa au malelaha hai au madota mobabehi au maroa.

Ibarani 11:16

Agaiana tampo au rahaoki, iami suruga au meliu kamaroana. Ido hai Pue Ala bara maea ane rauli Ia Pue Ala au rapenombai, lawi Napasilolongaamohe paidaanda i suruga.

Yakobu 1:18

Napopewalimoke anaNa moula peundeaNa haduduaNa melempo i Ngkora Marasa, au bara ara kamasalana, bona hangko i ope-ope au Napopewali, ikitami au Napokatana ntepuu.

Yakobu 1:21

Ido hai hangangaa nikabaha ope-ope babehia au kedai hai babehia au kadake au rapobiasa tauna i dunia ide. Hangangaa modoko maroakau Ngkora au nahawuka Pue Ala i lalumi, lawi Ngkora iti au makuasa mohoremakau hangko i huku dosami.

1 Peturu 1:23

Lawi molambimokau katuwo au wou, hai katuwo au wou iti bara hangko i manusia au peisa mate. Katuwo iti naweikau Pue Ala au bara ara kahopoana. Molambikau katuwo au wou lawi mepoinalaimokau i Ngkorana Pue Ala au tuwo hai au bara mokahopoa.

1 Peturu 2:9

Agaiana ikamu, halalu, napileimokau Pue Ala au mampopewalikau nodo tadulako mpenomba au mampopolumao bago mpenomba i Datunta. Napatanikau mewali kiraNa hai taunaNa au malelaha. Pue Ala mopileikau hai mokakiokau hangko i kamakaindi mesua i lalu kamabaaNa au merae ntepuu bona mopahawekau bagoNa au maroa i ope-ope tauna.