Ibarani 5:11 - Sura Malelaha

¹¹ Halalu, katouana, ngkaia mani au kupeinao kuuliangaakau kana i Yesu hai Melkisedek, agaiana mapari mopakanotoakau ope-ope iti, lawi mengkantulikau. Bara niunde mohadi paturongku.

Ibarani 5:11 Mawu Ofanana

Matiu 13:15

Tauna ide matuami lalunda, talinganda mewalimi bongo hai matanda rapidika, lawi lohehe metotoki bona raita, lohehe motaa talinganda dati rahadi, lohehe rapamanoto lalunda. Kahopoana barahe ina mesule Iriko hai barahe ina Kuwei katuwo maroa.’ ”

Markus 8:21

Nauliangaa mbulihe, “Bara pae niisa tunggaiana au kuuli ide?”

Lukasi 24:25

Roo indo, nauli Yesu, “Ntuli mpuukau! Moapari pane bara niisa lempona apa au mewali? Bara pae nipoinalai ope-ope au rauli nabi hangkoia?

Yohane 16:12

Ngkaia mani au Kupeinao Kuuliangaakau, agaiana ide-ide bara mani nibuku modoko ope-ope.

Yohane 6:6

(Katouana, naisato Yesu apa au ina Nababehi. Agaiana mekune nodo i Pilipu, lawi Napeinao mampetandaka pepoinalaina Pilipu.)

Suro 28:27

Lawi tuhumi lalunda, talinganda rasisingi, matanda rampidika. Lawi lohehe mototoki hai matanda, lohehe mohadi hai talinganda, lohehe mopakanoto lalunda. Kahopoana, barahe ina mesule Iriko, hai barahe ina Kuwei katuwo maroa.’ ”

Ibarani 5:10

Hai Yesu naangka Pue Ala mewali Tadulako Mpenomba Mahile nodo Melkisedek.

Ibarani 5:12

Katouana kemewalimokau guru i Ngkorana Pue lawi mahaemokau meula i Pue Yesu. Agaiana mampopepaguru manikau i tauna ntanina, lawi bara manikau moisa patoa paturona Pue Ala. Mogalori paturo au mamura, bara mani nipeulai maroa, apa mani paturo au mapari! Nodo manikau analei au bara mani rabuku moande paande au matua, mentomi mani peahe.

2 Peturu 3:16

I lalu ope-ope surana, teuki paturo nodo au kupahaweakau inona, agaiana ara paturona Paulu au mapari ralempo. Paturo iti ragoli-goli pea tauna au bara manoto pekirinda hai au bara maroho pepoinalainda. Tauna iti mobabaliki worihe paturo ntanina hangko i Sura Malelaha. Hangko i babehianda iti molambihe pehuku hangko Pue Ala.