Ibarani 4:7 - Sura Malelaha

⁷ Ido hai Pue Ala mopakanoto alo ntanina bona manusia peisa molambi pengkarooangaa hihimbela hai Ia. Alo au Napakanoto iami au rauli “alo ide” halalu, lawi i alo iti mohadimoke Ngkora Marasa. Bahangkia atuna parena roo nabi Musa, Datu Daudi mouki Ngkorana Pue Ala au tahadi inona au manguli: “Alo ide, ane mohadikau wotuna Pue Ala, inee nipamatua lalumi.”

Ibarani 4:7 Mawu Ofanana

Matiu 22:43

Nauli Yesu, “Mewali, moapari pane nauli Daudi pemuleana iami Pue au napenombai? Lawi hangkoia anti peninina Inao Malelaha, Daudi manguli:

Markus 12:36

Mole Daudi haduduana mopakanoto Datu Topehompo iami Pue au napenombai. Anti peninina Inao Malelaha Daudi mampololita kana i Datu Topehompo node: Pue mongkora i Ampuku au kupenombai, Nauli: ‘MohudamoKo ntanda i koanaNgku duuna Kupopengkoruhe ope-ope iwaliMu Irio.’

Lukasi 20:42

Lawi Daudi haduduana mopakanoto Datu Topehompo iami Pue au napenombai. I lalu sura Petoia, nauli Daudi node: Pue mongkora i Ampuku au kupenombai, Nauli, ‘MohudamoKo ntanda i koanaNgku

Suro 2:29

Hangko inditi, napaliliumi Peturu lolitana, nauli, “Halalu-halalu, kuuliangaakau i katou-touana, bara watana haduduana au natunggai Daudi i lolitana iti. Lawi umanta Daudi, matemi hai ratawu. Talumbana taisa mani hawe ide-ide.

Suro 28:25

Anti posisalana pelambianda, ido hai magaramohe hangko i poteruhuanda iti. Agaiana hangko damanihe mogaa-gaa, nauliangaahe Paulu node, “Hintoto mpuu apa au nauli Inao Malelaha au napahawe nabi Yesaya i toiorunta hangkoia, node:

Ibarani 3:15

Inee naliu inaonta apa au tabasa inona au teuki node: “Alo ide ane mohadikau wotuna Pue, inee nipamatua lalumi nodo toiorumi hangkoia meewa i Pue.”