Ibarani 4:1 - Sura Malelaha

¹ Mewali, dandina Pue Ala irikita iti bona peisake molambi pengkarooangaa hihimbela hai Ia, ara mani. Ido hai hangangaa mainga-inga mpuuke bona dati ara hadua hangko i olonta au bara molambi apa au Nadandi iti.

Ibarani 4:1 Mawu Ofanana

Matiu 24:48

Agaiana noumba ane hawi iti bara maroa poantina? Nauli laluna: ‘Barato ina polo hawe ampuku!’ alana barapi mampopolumao bagona.

Suro 3:19

Halalu-halalu, ido hai hangangaa menosokau hangko i dosami hai mengkorukau i Pue Ala bona Naampungi dosami. Hangko indo, Pue Ala ina mopakaroho lalumi, hai motudu Yesu mai irikamu. Lawi Iami au napakanoto Pue Ala mewali Datu Topehorema.

Roma 11:20

Tou mpuu halalu. Agaiana nikatuinao ratendehe lawi barahe mepoinalai. Ikamu rapatuwo, lawi mepoinalaikau. Ineekau mampemahile, aginami mengkaiwoikau hai mainga-ingakau, lawi ane mesapuakakau, batemi Nahapeki.

Roma 3:23

Lawi madosamoke ope-ope, hai barake hintoto molambi kiranta i lalu peawana Pue Ala.

1 Korintu 10:12

Mewali, ane arakau au manguli: “Marohomi pepoinalaingku i Pue,” hangangaa maroa-roakau bona datikau manawo i lalu dosa!

2 Korintu 6:1

Mewali, ikami ide, hampopobagongkai mopahawe NgkoraNa Pue Ala i tauna. Ido hai kiperapi mpuu halalu bona inee nikakahakei kamaroana laluna Pue Ala au nidokomi.

Galatia 5:4

Mewali hema pea au mampeulai Aturana Musa bona raimba manoto, lempona mobotuki pohintuwumi hai Kerisitu. Hai barapokau tuwo i lalu kabulana laluNa Pue Ala.

2 Timotiu 2:13

Kehapirike bara matundu Iria, Ia ina mopabukei liliu ope-ope dandiNa irikita, lawi nodomi poantiNa au bara peisa tebaliki.

Ibarani 12:15

Mainga-ingakau dati ara rangami au mousuli hangko i Pue Ala hai mosapuaka ahiNa. Maroa-roakau datihe ara tauna au hawe mewali rasu i olomi, hai kahopoana mopakarugi pohintuwumi alana bosa tauna teanti i lalu dosa.

Ibarani 12:25

Maroa-roakau, ineekau hawe moae Pue, au mongkorami irikita. To Isaraeli hangkoia, barahe mampoinalai lolitana Pue Ala au mongkora irihira i Bulu Sinai, hai batenda rahuku. Apa mani ikita au mohadi lolitana Pue Ala au mongkora irikita hangko i suruga. Ane tasapuaka NgkoraNa, batena barake tekabaha hangko i pehukuNa.

Ibarani 13:7

Hangangaa nikatuinao liliuhe tadulakomi au mopahaweamokau Ngkorana Pue Ala. Nipeita noumba tuwonda hawe i kapatenda, hai nipeulai pepoinalainda.

Ibarani 3:11

RumpuNa hai mosumpaNa, Kuuli: Barahe ina mesua i pengkarooangaa au Kupasilolongami.’ ”

Ibarani 4:11

Mewali halalu, hangangaa tapari-pari molambi pengkarooangaa hihimbela hai Pue Ala bona datike ara au mousuli hangko i pepoinalainta, nodo to Yahudi hangkoia au bara moula hawaNa.

Ibarani 4:9

Mewali, ara mani katepaka i taunana Pue Ala bona molambihe pengkarooangaa hihimbela hai Ia. Pengkarooangaa iti, nodo pengkarooangaana Pue Ala i alo kapitu.