Ibarani 3:10 - Sura Malelaha

¹⁰ Ido hai malutamoNa irihira, hai mololitaNa, Kuuli, ‘Ihira ide tauna au matua lalunda, hai barahe mampeulai hinangka aturaNgku.

Ibarani 3:10 Mawu Ofanana

Matiu 20:24

Karahadina topeguruNa au hampulo, pamperapinda ranganda au rodua, rumpumohe.

Markus 3:5

Membalilimi Yesu mototokihe. Rumpumi hai masusa laluNa anti kamatuana lalunda, hai mouliangaami tauna au wara taiena, “Ona taiemu!” Naona mpuumi taiena hai liliu maoha.

Yohane 8:45

Mewali, ido hai baraNa nipoinalai, lawi mampololitaNa apa au tou.

Roma 1:28

Lawi i pekirinda barapohe paraluu moisa Pue Ala, ido hai Napogiangaami Pue Ala pekirinda mewali kadake, alana mobabehihe babehia au bara hintoto.

Roma 3:7

Agaiana ara tauna au manguli node, “Ane babehianta au motengko mopatongawa kamanotona Pue Ala pane ratoia, moapari hai Nahukuke anti dosanta?”

Epesu 4:30

Nikampai babehiami datikau mopakasusa Inao Malelaha au naweikau Pue Ala. Nikatuinao, Inao Malelaha iami pampekatandaina Pue Ala i lalumi au mopakanoto kaikamuna taunaNa. Anti kaarana Inao Malelaha i lalumi, niisa kaina hawena tempona Pue Ala mokabahakau hangko i dunia au kadake ide.

Ibarani 3:12

Halalu! Maroa-roakau, datikau ara au kadake lalumi. Ineekau nodo toiorumi iti au mopalehi pepoinalainda i Pue Ala au tuwo!