Ibarani 12:5 - Sura Malelaha

⁵ Hai inee naliu inaomi paturona Pue Ala irikamu anaNa, au manguli, “Anangku, nipailalu maroa paturona Pue, hai inee koi inaomi ane Nakambaroakau.

Ibarani 12:5 Mawu Ofanana

Lukasi 24:6

Barapi ara inde. Ia tuwo hulemi! Bara pae nikatuinao apa au Nauliangaakau hangkoia i tempomi mani i tampo Galilea?

Lukasi 24:8

Roo indo, hangko rakatuinaori lolitana Yesu.

1 Korintu 11:32

Agaiana ane nahukuke Pue, lempona Nakambaroake datike ina rahuku himbela hai tauna au bara moisa Pue.

Galatia 6:9

Mewali, ineeke oha-oha mobabehi apa au maroa, lawi ane mobabehi liliuke apa au maroa, batena ina tapupu wuana i tempo au tepakanotomi.

1 Timotiu 1:20

Arahe rodua au marugi pepoinalainda iami Himeneus hai Aleksander. Ihira iti kuhuhuhe i kuasana Datu Tokadake bona molambihe pehuku datihe mopapakoi kuasana Pue Ala.

Ibarani 12:7

Ane molambikau kapari, hangangaa mantahakau. Niimba peami paturo ba pekambaroa hangko i Umami au i suruga. Pue Ala mopaturokau nodo hadua uma mopaturo hai mokambaroa anana. Lawi bara ara anangkoi au bara nakambaroa umana.

Ibarani 13:22

Halalu-halalu, kuperapi bona nipehadingi maroa-roa ide paturongku, nauri ihi surangku ide sosoe pea.

Yakobu 1:12

Morasihe tauna au mantaha i lalu kapari hai pampetandaka. Lawi ane pepoinalainda mantaha i pampetandaka iti, ina molambihe katuwo au bara mokahopoa au nadandimi Pue Ala i tauna au maahi Iria.

Pampetudungia 3:19

Ope-ope tauna au Kupokaahi, Kupaturo hai Kukambaroa bona moulahe paturoNgku. Ido hai Kuuli, nibaliki lalumi, hai menosokau!