Ibarani 12:3 - Sura Malelaha

³ Nipeita halalu noumba kamaparina Yesu molindo tauna kadake au mosapuaka wataNa, hai kahopoana Ia rapapate. Mewali halalu, hangangaa nipekiri liliu noumba kamantahana Yesu i lalu kapari bona datikau malede hai masusa lalumi.

Ibarani 12:3 Mawu Ofanana

Matiu 11:19

KamaiNgku Ana Manusia, maenuNa anggoro hai maandeNa. Agaiana nisapuaka woriNa, niuli, ‘Peita! Topehioro, tomalangu, ranganda toperuru asele hai tomadosa!’ Agaiana nauri nodo, kamanotona rarana Pue Ala tongawa i lalu katuwonda tauna au mampeulai peundeaNa.”

Matiu 12:24

Karahadina toParisi lolitanda, rauli, “KuasaNa iti hangko i Beelsebul, datunda ope-ope seta. Ido hai peisa mampopeloho seta.”

Matiu 15:2

“Moapari hai topeguruMu moliungihe adanda toiorunta? Ane maandehe, barahe hampai memando moula aturanta.”

Matiu 21:23

Roo indo, Yesu mesua i lalu Souna Pue Ala hai mepaturo. Tangana mepaguru, hawemohe kapala-kapala tadulako mpenomba hai totosaenda to Yahudi mekune Iria, rauli, “Nuuliangaangkai, hangko iumba kuasaMu mobabehi ope-ope iti i Souna Pue Ala? Hema au moweiKo kuasa iti?”

Matiu 21:46

Ido hai rahaokimi rara bona mohaka Yesu, agaiana barahe bai. Mampokalangahe tauna bosa, lawi rauli tauna bosa Yesu iti iami hadua nabi.

Matiu 22:15

Roo indo, padumohe toParisi hangko i Souna Pue Ala. Mohaokihe akalanda lawi rapeinao molambi kamasalana lolitana Yesu hai pampekunenda.

Lukasi 14:1

Hambela tempo i Alo Pengkarooangaa, Yesu lao maande i souna hadua tadulakonda toParisi. Tangana i sou iti, bosa tauna mokamata lawi mohaokihe kamanawoNa.

Lukasi 15:2

Ara worihe toParisi hai guru-guru agama au moitahe. Mohume-humemohe, rauli, “Ae! Ia mohimada hai tomadosa, hai maandehe hihimbela!”

Lukasi 16:14

Karahadina toParisi lolitana Yesu, raele-eleri, lawi mohahaoki peahe doi.

Lukasi 2:34

Roo indo, Simeo mowatihe hai mouliangaa Maria, “Anti kahawenami Anamu ide, bosa to Isaraeli ina molambi pehuku, agaiana bosa wori tauna ina Nahorema bona molambihe katuwo maroa. Iami au Napilei hai au Natudu mai Pue Ala, agaiana Ia ina rasapuaka tauna bosa,

Lukasi 5:21

Bahangkia guru agama hai toParisi mohadihe lolitana Yesu iti. Nauli lalunda, “Hemari tauna ide pane bai mopahimbela kuasaNa hai Pue Ala? Bara ara hadua au peisa moampungi dosa, batena pea Pue Ala!”

Yohane 10:20

Bosahe au manguli, “Napesuangi wei seta hai magila! Barapi paraluu tapehadingi lolitaNa.”

Yohane 18:22

Kanaulina Yesu nodo, hadua topekampai au meangka i holaNa mohapa lindoNa Yesu, nauli, “Bai mpuuKo mololita nodo i Tadulako Mpenomba Mahile!”

Yohane 5:16

Ido hai tadulakonda to Yahudi mohaokihe rara mopakasusa Yesu, lawi Ia mepakaoha i Alo Pengkarooangaa.

Yohane 7:12

Mombekakanenimohe tauna bosa inditi. Arahe au manguli, “Ia tauna maroa.” Hantanga wori manguli, “Bara! Ia mopakanawo pea tauna bosa!”

Yohane 8:13

Rauli toParisi, “Bara tou lolitaMu, lawi mampololita peako wataMu haduduaMu.”

Yohane 8:52

Rauli to Yahudi, “Ide-ide kiisa napesuangi mpuukowei! Burahima, matemi. Nodo wori ope-ope nabi hangkoia, matemohe. Agaiana Nuuliri hema au mampeulai lolitaMu barahe ina mate i hae-haena.

Yohane 8:59

Karahadina to Yahudi lolitaNa iti, motimamohe watu rapeinao mowatui Yesu. Agaiana Yesu padu ngkandii hangko i Souna Pue Ala hai barapi raita.

Yohane 9:40

Arahe bahangkia toParisi inditi au mohadi lolitana Yesu, rauliangaa, “Ba Nuuli bilo woringkai?”

1 Korintu 15:58

Mewali halalu au kupokaahi, hangangaa nipakaroho pepoinalaimi. Inee bata-bata lalumi. Hangangaa nipopolumao liliu bagona Pue, lawi niisa apa au nipobago i Pue bara ina mbero-mbero.

2 Korintu 4:1

Mewali, Pue Ala moangkangkai mewali topobagoNa, hai kibuku mampopolumao bago ide anti kamaroana laluNa irikami. Ido hai bara ope peharungangki i Pue Ala.

2 Korintu 4:16

Ido hai bara ope peharungangki i Pue Ala. Nauri kamalede-ledea watangki ide, agaiana alo-alona kilambi karoho lalu au wou hangko i Pue.

Galatia 6:9

Mewali, ineeke oha-oha mobabehi apa au maroa, lawi ane mobabehi liliuke apa au maroa, batena ina tapupu wuana i tempo au tepakanotomi.

2 Tesalonika 3:13

Halalu-halalu, ineeke oha-oha mobabehi apa au maroa.

Ibarani 12:2

Hangangaa mokamatake Yesu au mobungkahimi rara pepoinalainta hai au mopahandai pepoinalainta. Lawi Ia mantaha liliu i lalu kapari duuna mate i kau mombehape. KapateNa iti mepakaea ntepuu. Agaiana nauri nodo, bara Napailalu, Nahuhu pea wataNa rapaku i kau mombehape, lawi Napeinao molambi katana i bokona. Ide-ide mohudami ntanda i koanana kadera kadatuana Pue Ala i suruga.

Ibarani 12:5

Hai inee naliu inaomi paturona Pue Ala irikamu anaNa, au manguli, “Anangku, nipailalu maroa paturona Pue, hai inee koi inaomi ane Nakambaroakau.

Ibarani 3:1

Halalu-halalu au mewali taunana Pue Ala au Nakakio mesua i suruga, nipailalu kahemana Yesu. Ia tuduana Pue Ala hai Tadulako Mpenomba Mahile au tapoinalai.

1 Peturu 2:23

Nauri rakakabosai, bara mehurungi. Nauri rapopeahi-ahi, bara meewa. Ia mopaisare pea tuwoNa i Pue Ala, Topebotusi au manoto.

Pampetudungia 2:3

Mantahakau i lalu kapari anti pepoinalaimi Iriko, hai bara malede lalumi meula Iriko.