Ibarani 11:4 - Sura Malelaha

⁴ Anti pepoinalaina Habeli, ia mohuhu popenombana i Pue Ala au meliu kamaroana hangko i popenombana Kai, wutuna. Taisami kaarana pepoinalaina, lawi matana laluna Pue Ala modoko popenombana. Hai anti pepoinalaina, Habeli naimba Pue Ala tauna au manoto. Nauri matemi, agaiana ia mololita mani irikita, lawi anti pepoinalaina ia mewali pandiri irikita au tuwo ide-ide.

Ibarani 11:4 Mawu Ofanana

Lukasi 11:51

mepongka i karapapatena Habeli hawe i Sakaria au rapapate i tabangaa Souna Pue Ala i olo sou au malelaha hai meja pohuwea popenomba. Tauna au tuwo i tempo ide ina rahuku anti ope-ope babehia iti!

Titu 1:16

Rauli, moisahe Pue Ala, agaiana modongkohe, lawi babehianda bara hintoto hai apa au rauli. Kadake mpuu babehianda. Barahe matundu i hawana Pue Ala, hai bara rabuku mobabehi apa au maroa.

Ibarani 11:2

Anti pepoinalainda, tauna hangkoia napokatanahe Pue Ala.

Ibarani 12:1

Halalu! Peisa tauli: ope-ope tauna au maroho pepoinalainda iti motolelikike hai mosabiki katuwonta. Ido hai kuhuweki lalunta bona tatende ope-ope au doko mohomboki raranta meula i Pue. Ikita ide nodo tauna au momberiri. Hangangaa tatende dosanta au montimihike, hai mantahake moula rara au napakanotoake Pue Ala.

Ibarani 12:24

Hawemokau i Yesu, au mewali nente, au mopakaroho dandina Pue Ala au wou au mopahintuwu manusia hai Pue Ala. I tempona Yesu rapapate, mabubumi waheNa. Hai waheNa iti masuli hangko i wahena Habeli hangkoia.

Ibarani 5:1

Ope-ope Tadulako Mpenomba Mahile rapilei hangko i tauna biasa, hai raangka mampopolumao bagona Pue Ala. Tadulako mpenomba mahile iami hadua tadulako agama au lao i lindona Pue Ala moanti kara-karanda tauna bosa. Bagona, mosambale binata mohuru dosanda tauna bosa hai mohuhu popenomba au ntanina i Pue Ala.

Ibarani 9:22

Moula Aturana Musa, paka-pakana hangangaa rabahoi hai wahe. Ane bara ara wahe hangko i kapate, bara teampungi dosanta.

2 Peturu 2:8

I tempo iti, karao mpuu inaona Looti, lawi ia tauna manoto, agaiana alo-alona naita hai nahadi babehianda au merikai.

Yudasi 1:11

Hurewumohe! Moula peahe rarana Kai hangkoia. Mampeulaihe babehiana Bileam, lawi nauri raisa babehianda masalami, batena iti au rababehi liliu, lawi mohaoki peahe doi. Nodo Kora hangkoia, ihira moewahe Pue Ala, hai batena Pue Ala ina mohuku mate worihe nodo Kora.