Ibarani 10:5 - Sura Malelaha

^5-6 Ido hai pane i kahawena Kerisitu i dunia ide, Ia mouliangaa Pue Ala node: “Bara Nuperapi popenomba, hai bara Nuunde popenomba au rahuwe ba binata au rasambale bona mohuru dosa tauna, agaiana wataNgkumi au Nupasilolonga bona mewali popenomba Irio au Nupokatana.

Ibarani 10:5 Mawu Ofanana

Matiu 11:3

“Ba Oio mpuumi Datu Topehompo au nadandi Pue Ala? Ba ara mani au ntanina kipegia?” Lao mpuumohe topeguruna Yohane mopahawe pampekunena iti i Yesu.

Lukasi 1:35

Nahanai malaeka, “Inao Malelaha ina mendaulu irio, hai kuasana Pue Ala ina mobobongiko. Ido hai anangkoi au ina nupoanaka iti, ina rauli Anana Pue Ala au Malelaha.

Lukasi 7:19

nauliangaahe, “Laomokau i Yesu hai niuliangaa, ‘Ba Oio mpuumi Datu Topehompo au nadandi Pue Ala? Ba ara mani au ntanina kipegia?’ ”

Yohane 1:14

Ngkora iti mewali manusia, hai maida i olonta i dunia ide. Hai ikami, kiitami kamahilena kuasaNa. KuasaNa iti Nalambi hangko i UmaNa, lawi iami AnaNa HaduduaNa. LolitaNa tou mpuu, hai tongawa ope-ope kabulaNa laluNa irikita.

Galatia 4:4

Agaiana i tempo au Napakanotomi Pue Ala, Ia motudumi AnaNa mai i dunia, au napoanaka hadua anantowawine, hai Ia tuwo nodo to Yahudi au mengkoru i Aturana Musa.

1 Timotiu 3:16

Maroa ntepuu paturo au tapeulai anti pengkorunta i Pue Ala. Hangkoia paturo iti bara raisa tauna, agaiana ide-ide natudungiamoke Pue Ala. Lawi idemi au tapoinalai kana i Yesu Kerisitu: Iami au mewali manusia, au napakanoto Inao Malelaha, hai au raita malaeka. BambariNa rapahawe i tauna au bara manihe moisa Pue Ala, hai Ia rapoinalai tauna i humalele dunia, hai naore Pue Ala lao i suruga i lalu peawaNa.

Ibarani 1:6

I tempona Pue Ala motudu AnaNa au haduduana mai i dunia, node lolitaNa: “Ope-ope malaekaNgku hangangaa menombahe Iria.”

Ibarani 10:10

Yesu Kerisitu mobabehi mpuumi peundeana Pue Ala: wataNa hambela pea Napopenomba i Pue Ala. Hai hangko i popenombaNa iti, Napamalelahamoke hawe i hae-haena.

Ibarani 10:7

Ido hai kuuli: O Pue Ala, idemoNa maiNa mobabehi peundeaMu, nodo au teuki i lalu Sura Malelaha kana i wataNgku.”

Ibarani 10:8

Nguru-nguruna nauli Kerisitu node: “Pue Ala bara mamperapi popenomba, hai barapi mounde popenomba au rahuwe ba binata au rasambale bona mohuru dosa,” nauri popenomba iti hintoto hai Aturana Pue Ala au nauki Musa.

Ibarani 2:14

Tauna au napoanahe Pue Ala, tauna biasa peahe au hangangaa mate. Ido hai Yesu mewali wori manusia hai tuwo nodo tauna biasa bona anti kapateNa Ia mogero kuasana Datu Tokadake au mopaara kapate.

Ibarani 5:7

I tempona mani Yesu tuwo i lalu dunia ide, Ia meraroa hai moteria, mekakae hai mohowara pamperapiNa i Pue Ala au makuasa mokabaha hangko i kapate. Agaiana Yesu bara moula peundeaNa haduduaNa, batena mengkoru i peundeana Pue Ala. Ido hai Pue Ala mampehadingi pamperapiNa.

Ibarani 8:3

Ope-ope Tadulako Mpenomba Mahile raangka bona mohuhu binata hai popenomba ntanina i Pue Ala. Nodo wori, Yesu Tadulako Mpenomba Mahilenta hangangaa mohuhu popenombaNa i Pue Ala, iami wataNa haduduaNa.

1 Peturu 2:24

Yesu haduduana mohalea huku dosanta i karapapateNa i kau mombehape bona tekabahake hangko i kuasa dosa hai tuwoke moula peundeana Pue Ala. KapateNa iti moanti katuwo maroa irikita.

2 Yohane 1:7

I humalele dunia ara bosa topeakalangi au moanti paturo au mepakanawo. Ihira iti tauna au barahe mampoinalai katouna Yesu Datu Topehompo au maimi mewali manusia. Tauna au nodo, topodongkohe hai mampoiwalihe Kerisitu.