Ibarani 1:4 - Sura Malelaha

⁴ Ia molambi kuasa hai pebila au meliu hangko i ope-ope malaeka, lawi hangaNa au nawei Pue Ala meliu katebilana pane hanga au raweihe malaeka.

Ibarani 1:4 Mawu Ofanana

Epesu 1:21

Kuasa au Nawei Pue Ala i Kerisitu iti, meliu kamahilena hangko i kuasanda ope-ope topoparenta, tomakuasa, tadulako, hai au rapenombai. KuasaNa iti meliu kamahilena hangko i ope-ope au molambi pohudaa au teadai, maroa au tuwo ide-ide, maroa au tuwo i alo au ina mai.

Kolose 1:18

Ikita au mepoinalai i Kerisitu rapandiri nodo wata, hai Kerisitu iami waa. Nodo waa moparentai wata, nodo wori Kerisitu moparentai ope-ope tauna au mepoinalai Iria. Ia au moweike katuwo au wou, lawi Iami au Towutu, lempona, Ia au nguru-nguruna tuwo hule hangko i kapate. Ido hai Ia mewali patoana hinangka au ara.

Kolose 2:10

Mewali, ane mohintuwumokau hai Kerisitu, barapi ara kamakurami, lawi ope-ope au ara i Kerisitu ara wori irikamu, hai Ia au meliu kuasaNa hangko i ope-ope au makuasa hai au moparenta.

2 Tesalonika 1:7

Hai Ia ina mokabahakau hangko i kaparimi, nodo wori ikami. Hinangkana iti ina Nababehi i kahawena hule Pue Yesu au ina mendaulu mai hangko i suruga hai malaekaNa au makuasa hai api au lolaa.

Ibarani 1:9

MoundeKo kanoto hai mokahihiKo dake. Idomi hai natawiKo Pue Ala au Nupenombai, hai lana tanda kaNapileiMu, au melumbu hangko i himadaMuhe.”

Ibarani 12:17

Niisato noumba tuntukana. Roo indo, Esau mampeinao molambi hule pewati iti hangko i umana, agaiana barapi rawei. Nauri moteria mamperapi pewati iti, barapi ara rara mopakaroa kanawoana.

Ibarani 2:9

Agaiana ide-ide tongawami kamakuasana Yesu. I katuwoNa au hampalai i dunia ide, kamahilena tuwoNa tepaiwoi hangko i malaeka. Lawi anti kabulana laluna Pue Ala irikita, Napakanoto bona Yesu rapapate mopahuru ope-ope tauna. Hai anti pohuhuNa wataNa rapapate, ide-ide Ia rapomahile hai raweimi pohudaa au meawa hai tebila.

1 Peturu 3:22

Hai i karapatuwoNa hule, Yesu mengkaoremi lao i suruga, mohuda ntanda i koanana Pue Ala. Ope-ope malaeka hai au makuasa hai au moparenta, rapopengkoru hahahe Iria.