Epesu 6:1 - Sura Malelaha

¹ Anangkoi, anti pohintuwumi hai Kerisitu, hangangaa nipeulai hawana tosaemi, lawi iti au hintoto nibabehi.

Epesu 6:1 Mawu Ofanana

Lukasi 2:51

Roo indo, lao sambelamohe i Nasare, hai Yesu mampeulai ope-ope hawanda. Ope-ope au mewali iti batena napailalu inaNa.

Roma 12:2

Ineekau mampeulai babehianda tauna au barahe moisa Pue Ala. Nipogiangaami Pue Ala mowouki pekirimi bona tebaliki poantimi. Lawi ane nodo babehiami, ina niisa mpuu tunggaiana Pue Ala au maroa, au mopamatana laluNa hai au bara ara kamakurana.

Roma 16:2

Kuperapi bona nidoko nodo halalumi i lalu hangana Pue Yesu, lawi itimi au hintoto tababehi au meulake i Yesu. Ane ara apa-apa au naparaluu, niwei, lawi bosa tauna au natulungi, tepesua iko.

Roma 7:12

Mewali, Aturana Musa iti malelaha, hai parentana Pue batena malelaha, manoto hai maroa.

1 Korintu 15:58

Mewali halalu au kupokaahi, hangangaa nipakaroho pepoinalaimi. Inee bata-bata lalumi. Hangangaa nipopolumao liliu bagona Pue, lawi niisa apa au nipobago i Pue bara ina mbero-mbero.

1 Timotiu 5:4

Agaiana ane tobemba au ara anana ba ampuna, anana hai ampuna iti hangangaa nupaturoahe noumba rara mokadipura tosaenda bona mohurungihe kamaroana tosaenda. Lawi iti au mopamatana laluna Pue Ala.

1 Peturu 2:13

Mengkorukau i ope-ope topoparenta au napakanoto manusia, lawi nodomi peundeana Pue Ala. Mengkorukau i datu, lawi iami au tepaiwongko.