Epesu 5:5 - Sura Malelaha

⁵ Nipehadingi maroa: hema-hema au mobabehi babehia kedai, merikai ba au mehioro, nodohe tauna au menomba i anitu. Tauna iti barahe hintoto molambi kiranda i lalu poparentana Kerisitu hai Pue Ala.

Epesu 5:5 Mawu Ofanana

Suro 20:32

Ide-ide, halalu, kupekakaeakau i Pue Ala bona Nakadipurakau. Kuweikau lolita bona mampeulai liliukau Ngkorana Pue au mopakanotoake kabulana laluna Pue Ala irikita. Lawi Pue Ala pea au makuasa mopakaroho lalunta hai moweike pewati au Napasilolongaamohe tauna au Napatani mewali anaNa au malelaha.

Suro 8:21

Barako hintoto mobago hihimbela hai ikami, lawi bara manoto lalumu i Pue Ala.

Galatia 5:19

Ina tongawa, ane tauna mobabehi peundeana lalunda au kadake. Pandirina: motambi-tambi dele, mobabehi babehia au kedai hai babehia au merikai,

Galatia 5:21

mahina, malangu-langu, mosusa-susahe barapi ara hokana, hai ara mani wori au ntanina. Mewali, ope-ope iti, kupopaingaa mbulikau nodo au kuuliangaamokau hangkoia: hema-hema au mobabehi nodo, barahe ina maida hihimbela hai Pue Ala i lalu poparentaNa.

Epesu 5:3

Mewali inee mpuukau ara au mobabehi babehia kedai, babehia merikai hai mehioro—nihowara pea inee—dati ara pepangkaanda tauna mosalaikau. Babehia au nodo bara hintoto irikamu lawi taunanamokau Pue Ala.

Kolose 1:13

Ia mokabahamoke hangko i kuasa au makaindi, hai Napopewalimoke taunaNa i lalu poparentana AnaNa au Napokaahi.

Kolose 3:5

Mewali, anti kamatenta hihimbela hai Kerisitu, hangangaa takabaha babehianta hai katuwonta au hangkoia. Ineekau motambi-tambi dele, ineekau mobabehi babehia au merikai. Ineekau mohaoki au kadake, ineekau mampokaelu anu-anuna rangami. Lawi hema au mobabehi iti, himbela hai tauna au menomba i anitu.

1 Timotiu 6:10

Lawi ane mampokaelu peamoke doi, itimi au mopaara ngkaia pakana babehia kadake. Arahe tauna au nodo, au mohaoki liliu peahe doi, alana mopalehihe pepoinalainda, hai narumpahe mampopengaa kapari.

1 Timotiu 6:17

I tauna au pebuku, nupaturohe bona ineehe mampemahile hai ineehe meharunga i anu-anu dunia, lawi anu-anu dunia batena pea marugi. Agina mepoinalaihe i Pue Ala au moweike ope-ope pewati au bara ara hokana. Iami au tapokatana.

Ibarani 13:4

Ope-ope tauna hangangaa mampeulai ada posamboko. Ada iti inee nilingkai. Lawi tauna au mebualosi hai au mobabehi babehia merikai, batenda ina nahuku Pue Ala.

Pampetudungia 21:8

Agaiana tauna au langahe i hangka ranganda pane barahe meula Iriko, tauna au barahe mepoinalai Iriko, tauna au kadake babehianda, topepapate, topobabehi au merikai, topedoti, topenomba i anitu, hai topodongko, batenda rahuku i lalu tahi api au lolaa hai mawaa. Itimi au rahanga kapate karombelana.”

Pampetudungia 22:15

Agaiana tauna au kadake, topedoti, topobabehi au merikai, topepapate, topenomba i anitu, topodongko, hai tauna au mampokatana podongkonda, barahe rapaliu mesua i lalu wanua iti.