Epesu 5:3 - Sura Malelaha

³ Mewali inee mpuukau ara au mobabehi babehia kedai, babehia merikai hai mehioro—nihowara pea inee—dati ara pepangkaanda tauna mosalaikau. Babehia au nodo bara hintoto irikamu lawi taunanamokau Pue Ala.

Epesu 5:3 Mawu Ofanana

Matiu 15:19

Lawi hangko i lalunta mesupa hinangkana pekiri au kadake, alana ara au mepapate, mebualosi, metie, manangka, mosabi dongko hai mengkora-ngkora.

Lukasi 12:15

Roo indo, mololitami Yesu i tauna bosa, Nauli, “Mainga-ingakau hai maroa-roakau, ineekau mampeinao morampu anu-anu dunia. Lawi kehapiri ngkaia anu-anumi, barari iti au mopaara katuwo maroa.”

Lukasi 16:14

Karahadina toParisi lolitana Yesu, raele-eleri, lawi mohahaoki peahe doi.

Suro 15:20

Agina taukiahe hambua sura mopaturohe bona ineehe moande paande au rapopenomba i anitu, ineehe maande wahe hai ineehe maande bau hangko i binata au matempudu. Hai tauliangaa worihe bona ineehe motambi-tambi dele hai ineehe mebualosi.

Suro 20:33

Barana mampokaelu anu-anuna tauna ntanina, nodo salaka, bulawa ba hampi.

Roma 1:29

Lalunda buke hai hinangka au kadake hai au bara manoto. Mehiorohe, kadakehe, mahinahe; rapeinao peami mepapate, mobungka-bungkahe, meakalangihe, mombepailaluhe, hai meuli-ulihe,

Roma 16:2

Kuperapi bona nidoko nodo halalumi i lalu hangana Pue Yesu, lawi itimi au hintoto tababehi au meulake i Yesu. Ane ara apa-apa au naparaluu, niwei, lawi bosa tauna au natulungi, tepesua iko.

Roma 6:13

Ineemi tahuhu watanta nakuasai dosa, au moantike mobabehi babehia au kadake. Agina tahuhu katuwonta i Pue Ala, lawi tekabahamoke hangko i katuwonta au hangkoia hai molambimoke katuwo au wou. Hangangaa tahuhu watanta i Pue Ala bona watanta ide tapake mobabehi babehia au manoto.

1 Korintu 10:8

Ineeke mobabehi sala hai towawinena ranganta ba hai anantowawine, nodo au rababehi tauna i olonda hangkoia. Anti babehianda au sala iti, matehe rompulo hai talu sabuna tauna i lalu hangalo.

1 Korintu 5:1

Ara kuhadi au mololita kana i babehianda tauna i olomi au bara hintoto. Ara hadua rangami au mampotambia towawinena umana. Mogalori i olonda tauna au barahe moisa Pue Ala, barahe ara au mobabehi nodo.

1 Korintu 6:13

Ara wori lolita, “Paande mobundu i tainta, hai tai mobundu rapoihii paande.” Tou lolita iti, agaiana hambela tempo hinangkana iti ina napatuna Pue Ala. Agaiana watanta ide bara napopewali Pue Ala bona mebualosike. Watanta hangangaa tapake mobabehi peundeana Pue. Iami ampuna watanta.

1 Korintu 6:18

Nipakarao watami hangko i babehia au sala iti. Lawi ope-ope dosa au rababehi mewali i raoa hangko i watanta. Agaiana ane ara au mobabehi sala i babehia tobalilo hai towawine, madosami i watana haduduana.

2 Korintu 12:21

Au kupokalanga: i kahawengku irikamu, Pue Ala Ampuku ina mopakaeana i lindomi, hai ina moteriana lawi bosa tauna i olomi bara manihe menoso hangko i babehianda au kedai, hangko i pebualosinda hai i potambi-tambi dele hai babehianda au merikai hai au bara hintoto rababehi.

Epesu 5:12

Lawi babehianda au tewuniangi, rapopololita pea, mepakaeami.

Epesu 5:5

Nipehadingi maroa: hema-hema au mobabehi babehia kedai, merikai ba au mehioro, nodohe tauna au menomba i anitu. Tauna iti barahe hintoto molambi kiranda i lalu poparentana Kerisitu hai Pue Ala.

Pilipi 1:27

Mewali, au paraluu irikamu iami babehiami hangangaa hintoto hai poulami Ngkora Marasa au hangko i Kerisitu. Hangangaa nibabehi nodo bona ane kupohidupaa manikau ba barapi, ina kuisa kamarohona pepoinalaimi hai kamarohona pohintuwumi i lalu pobagomi mobambari Ngkora Marasa.

Kolose 3:5

Mewali, anti kamatenta hihimbela hai Kerisitu, hangangaa takabaha babehianta hai katuwonta au hangkoia. Ineekau motambi-tambi dele, ineekau mobabehi babehia au merikai. Ineekau mohaoki au kadake, ineekau mampokaelu anu-anuna rangami. Lawi hema au mobabehi iti, himbela hai tauna au menomba i anitu.

1 Tesalonika 4:3

Ide peundeanami Pue Ala bona malelaha katuwonta, hai mokaraohikau babehia au merikai.

1 Tesalonika 4:7

Lawi tunggaiana Pue Ala mokakioke, barake Nakakio bona mobabehike sala agaiana Nakakioke bona malelaha tuwonta.

1 Timotiu 2:10

Aginami towawine ratoia anti babehianda au maroa, hintoto hai poanti towawine au mengkoru i Pue Ala.

1 Timotiu 3:3

Bara peisa au malangu-langu ba au paka mobungka-bungka. Hangangaa au maalusu poantina, au mohintuwu hai rangana, hai au bara mohaoki pea doi.

1 Timotiu 6:10

Lawi ane mampokaelu peamoke doi, itimi au mopaara ngkaia pakana babehia kadake. Arahe tauna au nodo, au mohaoki liliu peahe doi, alana mopalehihe pepoinalainda, hai narumpahe mampopengaa kapari.

2 Timotiu 3:2

Bosa tauna ina mampokakaia peahe watanda haduduanda, mampeinaohe mewali topebuku, mampopetoiahe, mampemahilehe, hai mokakabosaihe ranganda. Barahe mengkoru i tosaenda, bara raisa manguli ngkaia kamaroana i Pue Ala, hai barahe mobila Pue Ala.

Titu 1:11

Tauna iti hangangaa nukontohe, ineehe nupaliu mepaturo, lawi moantihe pepawuli hai pepaturonda au bara hintoto i tambi-tambina. Hai tunggaianda mepaturo bona molambi peahe rasi. Babehianda iti mepakaea mpuu.

Titu 1:7

Tauna au mewali penatua, ihirami au mokadipura bagona Pue Ala. Ido hai hangangaa nuangka tauna au bara ara au peisa rasalaia, au bara mampemahile ba au masodo, au bara malangu-langu ba topombetie ba au mohaoki pea doi.

Titu 2:3

Nodo wori towawine au saemohe, nupaturohe bona babehianda hintoto hai tauna au mengkoru i Pue Ala; ineehe manguli au bara tou kana i ranganda, hai ineehe paka maenu-enu. Hangangaa mopaguru liliuhe ranganda bona maroa babehianda.

Ibarani 12:16

Nipamaroa-roa babehiami bona datikau ara au mebualosi ba mobabehi babehia au merikai. Ineekau ara au bara meula i peundeana Pue Ala nodo Esau hangkoia, lawi ia bara moholoi pewatina Pue Ala hangko i katowutuna. Kirana au katouana nahumba hangko i umana anti katowutuna, napobaluri i adina, naintolohi pea hai hantabo paande.

1 Peturu 5:2

Kuperapi bona nikadipura maroa halalumi hampepepoinalai i Pue Ala au ara i olomi. Lawi ihira iti nodo dimba au napoinalaiakau Pue Ala niporewu. Niporewuhe hangko i kamaluluna lalumi moula peundeana Pue Ala; inee nipobago iti nodokau au rapari-paria. Nikadipurahe hangko i kabulana lalumi. Inee peakau mohahaoki rasi.

2 Peturu 2:10

Mantimi mpuu pehukuNa Pue Ala i tauna au raoaka moula peundeana lalunda au kadake hai au mopapakoi kuasaNa. Ane guru agama au mepakanawo iti, baihe mampemahile, hai barahe langa mopapakoi apa au meawa i suruga.

2 Peturu 2:14

Ane mototokihe towawine, liliu rapokaelu, lawi raunde peami mobabehi au merikai. Barahe baha mobabehi dosa. Ane ara tauna au malede pepoinalainda, raopahe hai rapakanawo. Tauna au mepakanawo iti, mampokaelu liliuhe anu-anuna ranganda. Hararahe.

2 Peturu 2:3

Guru au mepakanawo iti mohaoki peahe doi, mewali ina rapahaweakau lolita au rababehi haduduanda bona molambihe rasi hangko irikamu. Agaiana ara pehuku au mahaemi napasilolongaahe Pue Ala, hai karahukunda iti ina holiga mewali.

Pampetudungia 2:14

Agaiana ara bahangkia pakana au Kusalaiakau, lawi arakau hanggaa au mampeulai paturona Bileam. Hangkoia Bileam iti mopaguru Balak noumba rara mopakanawo to Isaraeli bona madosahe. Nawawahahe moande paande au rapopenomba i anitu, hai nawawahahe mobabehi au merikai.

Pampetudungia 2:21

Towawine iti Kuweimi katepaka bona menoso hangko i dosana, agaiana bara mau mokabaha babehiana au merikai.

Pampetudungia 21:8

Agaiana tauna au langahe i hangka ranganda pane barahe meula Iriko, tauna au barahe mepoinalai Iriko, tauna au kadake babehianda, topepapate, topobabehi au merikai, topedoti, topenomba i anitu, hai topodongko, batenda rahuku i lalu tahi api au lolaa hai mawaa. Itimi au rahanga kapate karombelana.”

Pampetudungia 22:15

Agaiana tauna au kadake, topedoti, topobabehi au merikai, topepapate, topenomba i anitu, topodongko, hai tauna au mampokatana podongkonda, barahe rapaliu mesua i lalu wanua iti.