Epesu 5:25 - Sura Malelaha

²⁵ Hai ikamu tobalilo, hangangaa nipokakaiahe towawinemi moula pandirina Kerisitu au mampokakaia jumaa; ido hai mokirami wataNa rapapate mohuru dosanta.

Epesu 5:25 Mawu Ofanana

Matiu 20:28

Hangangaa nipeulai poantiKu, Iko Ana Manusia. Lawi tunggaiaKu mai i dunia ide, baraNa mai mewali topohawa. Agaiana kamaiNgku i dunia ide bona mewaliNa hawi, hai bona mohuhuna wataNgku rapapate mohuru salanda tauna bosa.”

Yohane 6:51

Ikomi paande au mendaulu mai hangko i suruga, paande au mepatuwo! Tauna au moande paande ide molambihe katuwo au bara mokahopoa. Paande au mepatuwo ide, lempona wataNgku au Kukira bona manusia molambi katuwo.”

Suro 20:28

Maroa-roakau datikau madosa, hai nikadipura maroa ope-ope jumaa au napoinalaiakau Inao Malelaha. Hangangaa nikadipurahe, nodo hadua toporewu mamporewu dimbana, lawi Anana Pue Ala mate mobaiari huku dosanda bona mewalihe taunana Pue Ala.

Galatia 1:4

Pue Yesu mokirami wataNa rapapate mohuru dosanta bona tekabahake hangko i kuasa dunia au kadake ide. Iti Nababehi moula peundeana Pue Ala Umanta.

Galatia 2:20

Hai ide-ide barapona tuwo moula peundeaku haduduangku, agaiana Kerisitumi au tuwo i lalu katuwongku. Mewali, tangangku mani tuwo i dunia ide, batengku mepoinalai i Anana Pue Ala au mampokakaiana hai au mokira wataNa rapapate bona mewalina manoto i peitana Pue Ala.

Epesu 5:2

I babehianta alo-alona, hangangaa maahike i ranganta, nodo Kerisitu maahimi Irikita. Anti kamaahiNa irikita, Ia mokira wataNa rapapate mopahuruke. Babehia iti mopakatana laluna Pue Ala, nodo popenomba mawongi au rahuhu Iria.

Epesu 5:24

Mewali, nodo ope-ope jumaa mengkoru i Kerisitu, nodo wori towawine hangangaa mengkoru i tobalilona i paka-pakana.

Epesu 5:28

Mewali nodo Kerisitu mampokaahi jumaa au mewalimi wataNa, tobalilo hangangaa mampokaahi wori towawinena nodo pampokaahina watana haduduana. Hema au mampokaahi towawinena himbela pea mampokaahi watana haduduana.

Epesu 5:33

Agaiana nauri nodo, batena ara wori lempona irikamu: ope-ope tobalilo hangangaa mampokakaia towawinena nodo pampokakaiana watana haduduana, hai towawine hangangaa mobila wori tobalilona.

Kolose 3:19

Hai ikamu wori tobalilo, hangangaa mampokaahikau towawinemi. Ineekau makasara irihira.

1 Timotiu 2:6

Ia mohuhu wataNa rapapate mohuru dosa ope-ope tauna. Iti Nababehi i tempo au napakanoto Pue Ala bona tongawa irikita peundeaNa mohorema ope-ope tauna hangko i huku dosa.

1 Peturu 3:7

Nodo wori ikamu tobalilo, hangangaa mohintuwukau hai towawinemi, hai hangangaa nipekiri noumba rarami motulungihe, lawi rohonda bara nodo rohomi. Agaiana nauri nodo, towawinemi batena himbela hai ikamu i peitana Pue Ala, lawi hangko i kabulaNa laluNa Pue Ala mowei worihe katuwo au bara mokahopoa himbela hai ikamu. Idomi hai hintoto mpuuhe nibila. Lawi ane barahe nibila, pekakaemi bara ina napehadingi Pue Ala.

Pampetudungia 1:5

hai hangko i Yesu Kerisitu, Sabi au manoto. Iami au nguru-nguruna tuwo hule hangko i kapate hai au makuasa moparenta ope-ope datu i dunia. Yesu mampokakaiake, hai Ia mokira wataNa rapapate bona tekabahake hangko i huku dosanta,

Pampetudungia 5:9

Monani-nanimohe hambua nani au wou, rauli: “Oiomi au hintoto modoko sura iti hai mobungkahi penena lawi rapapatemoKo; Hai waheMu au mabubu i kapateMu, Nupopoholomohe tauna i humalele dunia, i ope-ope kadatua, i ope-ope pemulea hai i hinangka basa. Hai Nuhuhuhe i Pue Ala.